ԵՐԵՎԱՆ, 27 ապրիլի- Sputnik. Ռուս հայտնի դերասանուհի Ելենա Ստեպանենկոն «Ռոսիա» հեռուստաալիքի «Դեռ երեկո չէ» ("Еще не вечер") շոուի ընթացքում անկեղծացել է հյուրի՝ հաղորդավարուհի և երգչուհի Օլգա Բուզովայի հետ։
Այն հարցին, թե արդյոք հնարավոր է նախկին ամուսնու՝ երգիծաբան Եվգենի Պետրոսյանի հետ վերամիավորումը, Ստեպանենկոն չափազանց էմոցիոնալ պատասխան է տվել։
«Աստված մի արասցե»,- ասել է նա ու հավելել, որ արդեն պատրաստ է նոր հարաբերությունների։
«Իմ կյանքում դեռ ոչ ոք չկա, բայց գարունն էլ նոր է սկսվում»,- ժպիտով պատասխանել է դերասանուհին։
Իր հերթին էլ Բուզովան պատմել է նախկին ամուսնու՝ ֆուտբոլիստ Դմիտրի Տարասովի հետ ունեցած լարված հարաբերությունների մասին։ Դրա հետ մեկտեղ նա խոստովանել է, որ հիմա երջանիկ է նոր ընտրյալի՝ 27-ամյա երգիչ և բլոգեր Դավիթ Մանուկյանի հետ։ Օլգան ու Դավիթն արդեն կես տարի է՝ միասին են։
«Հիմա մեզ մոտ իսկական ընտանեկան կյանք է, մտերմանալու փուլն է»,- պատմել է Բուզովան։
Ի դեպ, Բուզովայի շնորհիվ Ստեպանենկոն սոցցանցերում է գրանցվել։ Ընդամենը մեկ օրում նա հազարավոր հետևորդներ է ձեռքբերել։
«Շատ ոճային եք». սոցցանցերում քննարկում են Եվգենի Պետրոսյանի նոր կերպարը
Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր երիտասարդ օգնական Տատյանա Բրուխունովայի հետ։ 74-ամյա երգիծաբանը հասուն դուստր ունի առաջին ամուսնությունից, որի անունը Վիկտորյա է։ Նա այժմ ապրում է Մոսկվայում, Ելենա Ստեպանենկոյի հետ նույն բնակարանում։ Ստեպանենկոյի հետ ամուսնալուծությունից հետո Վիկտորյան դադարել է շփվել հոր հետ։
