ԵՐԵՎԱՆ, 27 ապրիլի – Sputnik․ 1998 OR2 կոչվող աստերոիդը, որը երկու օր անց կանցնի Երկիր մոլորակի կողքով, նկարահանել են Պուերտո-Ռիկոյի աստղադիտարանի աշխատակիցները։
Twitter-ում տեղադրված ռադիոլոկացիոն լուսանկարում աստերոիդն այնպիսի տեսք ունի, կարծես դիմակ է կրում։ Պուերտո-Ռիկոյի աստղադիտարանի աշխատակիցները նկարահանման պահին նույնպես պաշտպանիչ դիմակներով են եղել։
Big asteroid shows itself ahead of Earth flyby on April 29 https://t.co/3ImE1XSnpR
— Arecibo Radar (@AreciboRadar) April 23, 2020
«Դիտարկումների ընթացքում #TeamRadar-ն ու @NAICobservatory-ի աշխատակիցները ձեռնարկում են անվտանգության բոլոր անհրաժեշտ միջոցները։ Այս շաբաթ մենք արձանագրել ենք 1998 OR2 աստերոիդի տեղաշարժը, որը թվում է՝ նույնպես դիմակ է կրում»,-կատակել են թիմի անդամները։
«Տեղագրական առանձնահատկությունները, ինչպիսիք են, օրինակ, երկնային օբյեկտի մի ծայրում գտնվող լեռնաշղթաներն ու բլուրները, արդեն իսկ գիտական տեսանկյունից ապշեցուցիչ են։ Բայց քանի որ հիմա բոլորիս մտքերը զբաղված են կորոնավիրուսի համաճարակով, այդ առանձնահատկությունները պաշտպանիչ դիմակ հիշեցրին»,-նշել է աստղադիտարանի ներկայացուցիչ Էնն Վիրկկին։
1998 OR2 աստերոիդի երկարությունը գերազանցում է չորս կիլոմետրը։ Ապրիլի 29-ին այն կլինի «Երկրից» ավելի քան 6 միլիոն կիլոմետր հեռավորության վրա։ Մասնագետները կանխատեսում են, որ 59 տարի հետո աստերոիդը երեք անգամ ավելի մոտ կգտնվի մեր մոլորակին։ Հենց այդ պատճառով է, որ հիմա այդքան մեծ ուշադրությամբ ուսումնասիրվում է դրա շարժման ուղեծիրը։
