ԵՐԵՎԱՆ, 27 ապրիլի – Sputnik. Ապրիլի 27-ին Արցախի Հանրապետության ՊՆ, ՊԲ հրամանատար, գեներալ-մայոր Ջալալ Հարությունյանը ընդունել է ՀՀ անվտանգության խորհրդի քարտուղար Արմեն Գրիգորյանին: ԱՀ ՊՆ մամուլի ծառայությունից հայտնում են, որ հանդիպմանը ներկա է գտնվել նաև Արցախի Հանրապետության անվտանգության խորհրդի քարտուղար Արշավիր Ղարամյանը:
Հանդիպման ընթացքում անդրադարձ է կատարվել արցախա-ադրբեջանական հակամարտ զորքերի շփման գոտում տիրող օպերատիվ-մարտավարական իրադրությանը, քննարկվել են հայկական երկու հանրապետությունների անվտանգությանը, ինչպես նաև պաշտպանական ոլորտում իրականացվող համատեղ միջոցառումներին վերաբերող հարցերի լայն շրջանակ:
Արմեն Գրիգորյանը Facebook-ի իր էջում հատնում է նաև, որ Արցախի պաշտպանության բանակի հրամանատար Ջալալ Հարությունյանի հետ քննարկել են նոր տիպի կորոնավիրուսի հետ կապված անվտանգային իրավիճակը, պաշտպանական ոլորտի բարեփոխումները, ռազմավարական ենթակառուցվածքների զարգացման և մի շարք այլ ծրագրերի կատարողականներ։
«Կարմիր գծեր», որոնք Հայաստանը երբեք չի անցնի. ի՞նչ սպասել արցախյան «ճակատում»
Մինչ այդ Գրիգորյանը նույն հարցերը քննարկել էր նաև Արցախի Հանրապետության նախագահ Բակո Սահակյանի հետ հանդիպման ընթացքում:
