ԵՐԵՎԱՆ, 24 ապրիլի - Sputnik. Հայկական արմատներով ռուս արտիստ Ալեքսեյ Չումակովն ու նրա կինը` երգչուհի Յուլյա Կովալչուկը և ոչ պակաս հարնահայտ ռուս երգչուհի Ելենա Եսենինան նոր երգ են ձայնագրել` «Անջատում ենք լույսը» խորագրով։ Այս մասին Եսենինան հայտնել է Facebook սոցցանցի իր էջում և տեսանյութ տեղադրել։
Կորոնավիրուսով տարածված իրավիճակով պայմանավորված` երգը ձայնագրվել է հեռահար։
«Չումակով, Կովալչուկ և Լենոչկա` մենք էլ ենք լույսն անջատում։ Մեզ բոլորիս մաղթում եմ հաջորդ շաբաթ ունենալ դրական տրամադրություն, ինչը, չնայած, այնքան էլ հեշտ չէ»,–տեսանյութին կից գրել է Եսենինան։
«Բրավո», «ընտիր է»,- նման մեկնաբանություններով իրենց հիացմունքն են արտահայտել բաժանորդները։
Եսենինան Հայաստանում հայտնի է դարձել իր «Դե, ինչ, Աշոտ» հայտնի երգով։ Ավելի վաղ նա տեսանյութ էր նկարահանել հատուկ Sputnik Արմենիայի համար, որով նա ազդարարում էր իր` #ԱշոտզանգիրԼենոչկային ֆլեշմոբի մասին` յուրաքանչյուրին առաջարկելով ստեղծել իր տեսանյութը։
2019–ի նոյեմբերի կեսերին Եսենինան եկել էր Հայաստան, այցելել Sputnik Արմենիայի խմբագրություն ու կատարել հայտնի «Աշոտի» մասին երգը։
