ԵՐԵՎԱՆ, 24 ապրիլի — Sputnik. Հայաստանում Ռուսաստանի դեսպանությունը տեղեկացնում է, որ դեսպանության կողմից շարունակվում են աշխատանքները Հայաստանից Վրաստանի տարածքով Ռուսաստանի քաղաքացիների հնարավոր ցամաքային վերադարձն իրականացնելու համար։
«Նախնական տվյալներով` երկու ավտոբուսով ՌԴ քաղաքացիները, որոնց ցանկը կանխավ կազմվել էր, կտեղափոխվեն հայրենիք ապրիլի 29-ին»,–նշված է դեսպանատան Facebook սոցցանցի էջում առկա հաղորդագրության մեջ։
Դեսպանությունը հորդորում է քաղաքացիներին հետևել իրենց պաշտոնական էջերում հրապարակվող ինֆորմացիային։
Հիշեցնենք, որ ՀՀ-ում ՌԴ դեսպան Սերգեյ Կոպիրկինը Facebook-ի էջում հրապարակած տեսաուղերձում գրել էր, որ Հայաստանում գտնվող ՌԴ քաղաքացիների տեղափոխմանն աջակցելը Հայաստանում Ռուսաստանի դեսպանատան առանցքային խնդիրն է։
Ռուսաստանը ֆուտբոլիստների գլխավոր «արտահանողն է» Հայաստան. FIFA
Ընդ որում՝ խնդրի լուծումն ուղղակիորեն կախված է համաճարակային իրավիճակի զարգացումից։ Նրա խոսքով` Ռուսաստանի ու Վրաստանի պատասխանատու մարմինները վերջնական որոշում կկայացնեն՝ հաշվի առնելով կորոնավիրուսի հետ կապված իրավիճակի զարգացումը։
