ԵՐԵՎԱՆ, 23 ապրիլի –Sputnik. Աշխարհում կորոնավիրուսով արդեն վարակվել են 2 մլն 638 հազար 909 մարդ։ տեղեկությունը հրապարակել է համաշխարհային վիճակագրության Woldmeter կայքում։
Համավարակը տարածվել է 185 երկրում։
Համավարակի բռնկման պահից ի վեր մահացել է 184 248 պացիենտ, բուժվել` 722 055–ը։
Covid-19–ով վարակվածների թվով առաջատար են շարունակում մնալ ԱՄՆ–ն (819 175), Իսպանիան (204 178) և Իտալիան (183 957)։
Տասնյակում են նաև Ֆրանսիան` 158 050, Գերմանիան`148 453, Մեծ Բրիտանիան` 129 044, Թուրքիան` 95 591, Իրանը` 84 802, Չինաստանը` 82 788 և Ռուսաստանը` 52 763 վարակակիր։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
