ԵՐԵՎԱՆ, 19 ապրիլի – Sputnik. ՀՀ պարետ Տիգրան Ավինյանը Facebook-ի իր էջում տեղադրել է մի տեսանյութ, որում ասվում է, թե ինչպիսի կանոնների պետք է հետևել շինարարություն ժամանակ՝ կորոնավիրուսի տարածումը կանխարգելելու նպատակով։
Հրապարակած տեսանյութում շինարարությունների անվտանգության ճարտարապետը նշում է, որ անվտանգության կանոնները պահպանելու համար ավելի քիչ թվով անձինք են աշխատելու շինարարությունում: Տարածքում ախտահանման աշխատանքներ կիրականացվեն, նաև ախտահանիչ նյութեր կտրամադրվեն աշխատակիցներին:
Հիշեցնենք` ՀՀ կառավարությունն ապրիլի 13–ի արտահերթ նիստում միաձայն ընդունեց հանրապետությունում արտակարգ դրության ռեժիմը 30 օրով երկարաձգելու որոշումը, որը կտևի մինչև 2020 թվականի մայիսի 14-ը ժամը 17:00-ն ներառյալ։
Պարետատան որոշմամբ՝ երկարացված արտակարգ դրության պայմաններում տնտեսական գործունեության թույլատրելի շրջանակն ընդլայնվել է մի քանի նկատառումներով` տնտեսական կյանքը չմեռցնելու, նաև սոցիալական իրավիճակն էլ ավելի չբարդացնելու համար։
Գեղարքունիքի մարզում կորոնավիրուսով վարակվածության արդեն 10 դեպք է գրանցվել․ մարզպետ
Հիշեցնենք, որ Հայաստանում կորոնավիրուսով վարակվածների թիվը ապրիլի 19–ի դրությամբ դարձել է 1291։
Վերջին տվյալներով՝ արդեն բուժվել է 545 մարդ, փաստացի բուժվողների թիվը 726 է, իսկ մահվան դեպքերը 20-ն են։
