ԵՐԵՎԱՆ, 18 ապրիլի – Sputnik. Թուրքիայի 107-ամյա քաղաքացին՝ Հավահան Կարադենիզ անունով կինն աշխարհում ամենատարեցներից մեկն է, ում հաջողվել է հաղթահարել կորոնավիրուսը: Anadolu գործակալությունը հայտնում է, որ տարեց կինն ընդամենը 1 շաբաթում բուժվել է իր իմունիտետի շնորհիվ:
Նա Ստամբուլի հիվանդանոց է ընդունվել հազով ու բարձր ջերմությամբ: Ավելի ուշ կորոնավիրուսի թեստը դրական արդյունք է ցույց տվել:
Բայց մեկ շաբաթ անց տարեց կինը դուրս է գրվել հիվանդանոցից ու այժմ տանն է՝ 14-օրյա մեկուսացման մեջ:
#COVID-19: #Turkish #centenarian owes life to immune system https://t.co/av5BPbQF3r pic.twitter.com/9vhXqRO2NX
— ANADOLU AGENCY (ENG) (@anadoluagency) April 17, 2020
Նրա հետ նույն տանը մեկուսացած է նաև թոռնուհին, որը խնամում է տատիկին՝ պահպանելով վարակի կանխարգելման միջոցներն ու սոցիալական հեռավորությունը: Չնայած իր տարիքին` 107-ամյա Կարադենիզն ամեն առավոտ մեկ գավաթ սուրճ է խմում, նախաճաշին կարագ, մեղր է ուտում ու կաթ խմում։ Նաև սիրում է խաշած ցորեն ուտել յոգուրտով:
Ինչպես տարբերել կորոնավիրուսը սովորական գրիպից
Տարեց կնոջ արյան մեջ շաքարի ու խոլեստերինի քանակը նորմայի սահմաններում է, քաղցրի պակասը հագեցնում է միայն մրգերով: Կնոջը երբեք չեն վիրահատել, և նա անթերի հիշողություն ունի:
Կորոնավիրուսով վարակված քանի՞ մարդ կա աշխարհում. նոր տվյալներ
Տարեց կինն ունի 4 երեխա, 11 թոռ և 15 ծոռ: Թոռներից մեկը շուտով պապիկ է դառնալու:
Հղիներ, ձեզ Աստված է պաշտպանում. ՌԴ գլխավոր մանկաբարձ Լեյլա Ադամյանը` կորոնավիրուսի մասին
