ԵՐԵՎԱՆ, 18 ապրիլի – Sputnik. Ռուսաստանի նախագահ Վլադիմիր Պուտինը հրամանագիր է ստորագրել, որը կարգավորում է ՌԴ տարածքում գտնվող օտարերկրացիների ու քաղաքացիություն չունեցող անձանց վերաբերող իրավական դրույթը։ Փաստաթուղթը հրապարակվել է Կրեմլի կայքում։
Ըստ այդ հրամանագրի` մարտի 15-ից հունիսի 15-ը գործատուները կկարողանան աշխատանքի ընդունել այն օտարերկրացիներին, որոնք աշխատանքի թույլտվություն չունեն։ Բայց գործատուները պետք է ունենան օտարերկրացիներին ներգրավելու թույլտվություն և ապահովեն սանիտարահամաճարակային նորմերի պահպանումը։
Նշված ժամանակահատվածում երկարացվում են նաև օտարերկրացիների և քաղաքացիություն չունեցող անձանց ժամանակավոր կացության, ինչպես նաև նրանց հաշվառելու կամ բնակության հասցեով գրանցելու ժամկետները։
ՌԴ–ում Հայաստանի դեսպանությունը պատրաստ է օգնել աշխատանքը կորցրած հայերին
Մինչև հունիսի 15-ը օտարերկրացիների կամ քաղաքացիություն չունեցող անձանց նկատմամբ որոշումներ չեն ընդունվի նաև Ռուսաստանում գտնվելու, արտաքսելու կամ օտարերկրյա պետությանը հանձնելու վերաբերյալ։
Նրանց չեն զրկի փախստականի կարգավիճակից, ժամանակավոր ապաստանից, չեն չեղարկվի վիզաները, աշխատանքի թույլտվությունները, կացության թույլտվությունն ու նմանատիպ այլ փաստաթղթերը։
