ԵՐԵՎԱՆ, 17 ապրիլի – Sputnik. Պրովանսի (Ֆրանսիա) համալսարանի գիտնականները պարզել են, թե որ ջերմաստիճանի դեպքում է մահանում COVID-19 կորոնավիրուսը։ Տեղեկությունը հայտնում է ՌԻԱ Նովոստին։
Պարզվել է` վիրուսի ինֆեկցիոն ակտիվությունն ամբողջությամբ վերանում է միայն 92 աստիճանում։
Սկզբում գիտնականները մեկ ժամվա ընթացքում վիրուսը տաքացրել են մինչև 60 աստիճան։ Սակայն SARS-CoV-2–ի որոշ շտամեր բավական հանգիստ են արձագանքել այդ ջերմաստիճանին։
Կորոնավիրուսն ամբողջությամբ մահացել է միայն 15 րոպե անընդմեջ մինչև 92 աստիճանի տակ պահելուց հետո։
Փորձարկումն իրականացվել է աֆրիկյան կանաչ կապիկի երիկամների բջիջների վրա, որոնք վարակել են կորոնավիրուսի շտամով։
Հետազոտողները երկու փորձանոթ են օգտագործել. մեկը` մաքուր միջավայրով, մյուսը` կենդանական ծագում ունեցող սպիտակուցներով։ Երկրորդ փորձանոթում կորոնավիրուսը պահպանել է ակտիվությունը նույնիսկ մեկ ժամ տաքացնելուց հետո։
Ինչ տեսք ունի կորոնավիրուսը, որի մասին խոսում է ամբողջ աշխարհը. լուսանկարներ
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
