ԵՐԵՎԱՆ, 17 ապրիլի – Sputnik. ՀՀ վարչապետ Նիկոլ Փաշինյանն այսօր կառավարությունում տեղի ունեցած խորհրդակցության ժամանակ հանձնարարել է առաջիկայում ներկայացնել «Հայփոստ» ՓԲԸ կառավարման մոդելի ընտրության կոնկրետ տարբերակներ: Տեղեկությունը հայտնում է ՀՀ վարչապետի մամուլի ծառայությունը:
«Բարձր տեխնոլոգիական արդյունաբերության նախարար Հակոբ Արշակյանը ներկայացրել է ամփոփ վերլուծություն՝ «Հայփոստ» ՓԲԸ գործառույթների, մատուցվող՝ փոստային, ինչպես նաև հանրային և ֆինանսական ծառայությունների շրջանակի, դրանց ծավալների ու ցուցանիշների վերաբերյալ։ Նախարարն անդրադարձել է փոստային օպերատորի կառավարման մոդելին, առկա միջազգային փորձին, ներկայացրել այս նպատակով 2019 թ. նոյեմբերին վարչապետի որոշմամբ ստեղծված միջգերատեսչական հանձնաժողովի ուսումնասիրության արդյունքները»,-ասվում է հաղորդագրության մեջ:
«Հայփոստն» ու «Էներգաիմպեքսը» կմնան պետական. կառավարությունը դրանք չի մասնավորեցնի
Թեմայի առնչությամբ ծավալվել է մտքերի փոխանակություն։ Քննարկման առարկա են դարձել «Հայփոստ» ՓԲԸ հետագա կառավարման մոդելին, մատուցվող ծառայությունների շրջանակին, անհրաժեշտ ենթակառուցվածքների զարգացմանը, արդիականացմանը, թվային օրակարգի առաջմղմանը վերաբերող հարցեր։
Հիշեցնենք, որ ՀՀ կառավարության ապրիլի 15-ի նիստում առաջարկ եղավ մինչև 2023թ.-ը հրաժարվել կենսաթոշակների կանխիկ վճարումներից, իսկ կանխիկ վճարումներն, ինչպես հայտնի է, կատարում է «Հայփոստ» ՓԲԸ-ն:
Նախագծում հաշվի է առնվել նաև մարզերում բանկային հասանելիության գործոնը: Հետևաբար, առաջինը՝ 2020թ-ին, անկանխիկ համակարգին անցում կկատարեն ՀՀ խոշոր քաղաքները, ապա մնացած քաղաքաներն ու գյուղերըւ: Իսկ այն բնակավայրերը, որոնք 1000-ից պակաս բնակիչ ունեն, համակարգին կմիանան 2023 թ-ին:
Բանկերի ընտրությունը կատարվելու է քաղաքացիների նախընտրությամբ:
«Հայփոստը» չի մասնավորեցվի. կառավարությունում նշեցին պատճառը
