ԵՐԵՎԱՆ, 17 ապրիլի –Sputnik. Անկախ կորոնավիրուսի հետևանքով ստեղծված իրավիճակից Ղարաբաղյան հակամարտության կարգավորմանն ուղղված աշխատանքները շարունակվում են։ Տեղեկությունն ամենշաբաթյա ճեպազրույցի ընթացքում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նշել է, որ վերջին շրջանում ՌԴ արտգործնախարար Սերգեյ Լավրովը բանակցություններ է վարել Հայաստանի և Ադրբեջանի գործընկերների հետ։ Կողմերի հետ կանոնավոր շփում են պահպանում նաև ԵԱՀԿ ՄԽ համանախագահները, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը։
Նրա խոսքով` ուշադրության կենտրոնում է կորոնավիրուսի թեման և նրա ազդեցությունը բանակցային գործընթացի վրա, ինչպես նաև ԼՂՀ կարգավորման որոշ հարցեր։ Քննարկվում է իրավիճակը սահմանին և շփման գծում։
Արցախի նորընտիր նախագահը Երևանում է
Նշենք, որ կորոնավիրուսի բռնկման հետ կապված արցախյան հակամարտության գոտում ԵԱՀԿ մշտադիտարկումը դադարեցվել է։
