ՄԻԳ-31 ռազմական ինքնաթիռը կործանվել է Ղազախստանի Կարագանդա քաղաքի օդանավակայանի մերձակայքում։ Լուրը հայտնում է Sputnik Ղազախստանը` հղում անելով հանրապետության ՊՆ–ին։
ՄիԳ-29 կործանիչն ընկել է Մոսկվայի մարզում
Հաղորդագրության համաձայն` օդաչուները ողջ են, անձնակազմը հասցրել է դուրս նետվել։
Միջադեպը տեղի է ունեցել Կարագանդա քաղաքի մոտակայքում մարտական հերթապահություն իրականացնելու նախապատրաստական պլանային թռիչքի ժամանակ։
Հայտնում են, որ վերելքից անմիջապես հետո շարժիչներից մեկում հրդեհ է բռնկվել։
Դուրս նետվելու հրաման ստանալով` օդաչուները օդանավն ուղղել են դեպի դաշտերը` բնակատեղիից հեռու։
Ղազախստանի Պն–ն միջադեպը հետաքննող հանձնաժողով է նշանակել։ Տեղում աշխատում է Ղազախստանի ՌՕՈւ փրկարարա–որոնողական ծառայության ջոկատը։
