ԵՐԵՎԱՆ, 15 ապրիլի-Sputik. Երևանի քաղաքապետարանում հերթական պարգևավճարներն են բաժանվել։ Քաղաքապետ Հայկ Մարությանի հրամանով՝ այս տարվա առաջին եռամսյակում աշխատանքային և ծառայողական պարտականությունները բարեխիղճ ու պատշաճ կատարելու համար պարգևավճարներ են ստացել Երևանի քաղաքապետարանի ղեկավարները, աշխատակազմի ներքին աուդիտի բաժնի աշխատակիցներն ու նաև վարչական շրջանների ղեկավարները։ Քաղաքապետարանի պաշտոնական կայքում հրապարակված որոշումից պարզ է դառնում, որ ընդհանուր առմամբ, պարգևատրվել են 102 աշխատակից։
Կորոնովիրուսի դեմ պայքարող բուժաշխատողները կպարգևատրվեն. Մարությանն է որոշել
Պարգևավճարների ֆոնդից հունվար և փետրվար ամիսների հաշվարկով դրամական պարգևները ստացել են քաղաքապետարանի նշված աշխատակիցները, իսկ մարտ ամսինն ամբողջությամբ փոխանցվել է համայնքային ենթակայության բուժհիմնարկների աշխատակիցներին։
Հավելենք, որ քաղաքապետը պարգևատրված աշխատակիցների հանդեպ հավասարապես շռայլ չի եղել։
Ամենաբարձր պարգևավճարը՝ 560 հազարական դրամ, ստացել են քաղաքապետի երկու խորհրդականները՝ Կամո Արեյանն ու Կարեն Համբարձումյանը, մամուլի քարտուղար Հակոբ Կարապետյանը, արտաքին կապերի վարչության պետ Դավիթ Գևորգյանը, շինարարության և բարեկարգման վարչության պետ Գրիգոր Հարությունյանը, իրավաբանական վարչության պետի տեղակալ Անդրանիկ Մուրադյանը, ճարտարապետության և քաղաքաշինության վարչության պետ Մհեր Աղաբեկյանը, քարտուղարության պետ Արթուր Մկրտչյանը, սոցիալական ապահովության վարչության պետ Լուսինե Հովհաննիսյանը։
«Հայփոստն» այլևս թոշակ չի բաժանի. կառավարությունն առաջարկում է անցնել անկանխիկ վճարման
Նրանցից մոտ 10 հազարական դրամով քիչ են ստացել Մշակույթի և տուրիզմի վարչության պետի տեղակալ Եղիշե Սարգսյանը, բաժնի պետեր Գևորգ Օրբելյանն ու Գարիկ Նազարյանը։ Հաջորդ ամենաբարձր պարբևավճարը տրվել է ֆինանսական վարչության պետ Քրիստինե Ավետիսյանին՝ 433,333 դրամ։
Քաղաքապետի տեղակալի գործավարը, օգնականն ու առողջապահության վարչության պետը գրեթե հավասարաչափ պարգևավճար են ստացել՝ 300 հազար դրամից մի քիչ ավելի։
Ընդհանուր առմամբ, քաղաքապետարանը պարգևավճարներ է տվել 29,017,001 դրամի չափով։
Երևանի քաղաքապետարանը տարեցներին մեկ ամսվա մթերք ու կենցաղային ապրանքներ է տվել
