ԵՐԵՎԱՆ, 13 ապրիլի - Sputnik. Ռուսաստանից բերված շարժական լաբորատորիայում արդեն իսկ 165 նմուշ է վերցվել` կան և՛ բացասական, և՛ դրական պատասխաններ։ Կառավարության մամուլի կենտրոնում կայացած ասուլիսի ժամանակ լուրը հայտնեց ՀՀ ԶՈՒ ռազմաբժշկական վարչության պետ Սահակ Օհանյանը։
«Շարժական լաբորատորիայում վերցված 165 նմուշների պատասխանների մեծ մասը բացասական են»,–ասաց նա։
Օհանյանի խոսքով` շարժական լաբորատորիան սկսել է աշխատել ապրիլի 9-ից։ Ստեղծվել է աշխատանքային խումբ, որի կազմում ներգրավված են նաև ՀՀ ԶՈՒ մասնագետներ։
Մինչև 100 թեստի պատասխան` մեկ օրում. Ռուսաստանից բերված շարժական լաբորատորիան բացազատվել է
Օհանյանը հայտնեց նաև, որ հայ մասնագետները կարճ ժամանակահատվածում ձեռք են բերել գիտելիքներ կորոնավիրուսի ախտորոշման հետ կապված, և երեկ ինքնուրույն են իրականացրել այդ աշխատանքները։
Հիշեցնենք, որ ՌԴ պաշտպանության նախարարության ռադիացիոն, քիմիական և կենսաբանական պաշտպանության զորքերի համահավաք ջոկատը ապրիլի 7-ի երեկոյան ժամանել էր Երևան։ Շարժական համալիրում աշխատող մասնագետները հավաքագրվել են երկու օրվա ընթացքում, նրանք կենսաբանական բնույթի արտակարգ իրավիճակների լիկվիդացման մեծ փորձ ունեն և պատրաստ են օգնել հայկական կողմին կորոնավիրուսի ախտորոշման և հաղթահարման գործում։
Տոնոյանը և Կոպիրկինն այցելել են Covid-19–ի ախտորոշման շարժական լաբորատորիա
