ԵՐԵՎԱՆ, 11 ապրիլի – Sputnik. ՀՀ-ում հաստատվել է կորոնավիրուսով վարակման ընդհանուր առմամբ 977 դեպք։ Այս մասին Facebook–ի ուղիղ եթերում հայտարարեց ՀՀ վարչապետ Նիկոլ Փաշինյանը։
«Այս պահին ունենք կորոնավիրուսի հաստատված 977 դեպք, 13 մահ: Մահացած քաղաքացիների միջին տարիքը 76,2 է, հիվանդներինը՝ 42»,–ասաց Փաշինյանը։
Նա նշում է, որ հիվանդանոցներում բուժում է ստանում 750 մարդ։
Հիշեցնենք` այսօր առավոտյան Հայաստանում կորոնավիրուսով վարակվածների թիվն ավելացել էր ևս 29–ով և դարձել 966։
Բուժվածները ժամը 11–ի դրությամբ 173–ն էին, փաստացի բուժվողները`780–ը, բացասական էր եղել 6484 թեստի պատասխան։
Հիշեցնենք նաև, որ այսօր ՀՀ վարչապետի մոտ տեղի էր ունեցել խորհրդակցություն, որի ժամանակ ՀՀ փոխվարչապետ, պաետ Տիգան Ավինյանն առաջարկել էր արտակարգ դրության ռեժիմը երկարացնել ևս 30 օրով։
Ավելի վաղ ընդունված որոշման համաձայն` Հայաստանում արտակագ դրության ռեժիմ էր սահմանվել մարտի 16–ից ապրիլի 14–ը։
Պարետն առաջարկել է ևս 30 օրով երկարաձգել արտակարգ դրության ռեժիմը
