ԵՐԵՎԱՆ, 11 ապրիլի – Sputnik. Կառավարության հաստատված հակաճգնաժամային ծրագրերով այս պահի դրությամբ բաշխվել է 12 միլիարդ 300 միլիոն դրամ: Facebook-ի իր էջում այս տեղեկությունը հայտնել է ՀՀ վարչապետ Նիկոլ Փաշինյանը։
«Այս պահի դրությամբ տնտեսական աջակցություն է ստացել 4578 տնտեսվարող: Սոցիալական աջակցություն է ստացել 11 հազար 444 ընտանիք»,–գրել է Փաշինյանը:
Նա նշել է, որ սոցիալական աջակցություն ստացողների թիվը ապրիլի 13–ից կավելանա կրկնակի տեմպերով:
Հիշեցնենք, որ չաշխատող կամ այս օրերին աշխատանքից ազատված ամուսին ունեցող հղիներին աջակցություն կտրամադրվի միանվագ նպաստի` 100 000 ՀՀ դրամի չափով։
Կառավարության ծրագրերով աջակցություն ստանալու համար բազմաթիվ հայտեր են ստացվում
Մինչև 14 տարեկան երեխա ունեցողներին յուրաքանչյուր երեխայի համար 100.000-ական դրամի չափով աջակցություն կտրամադրեն։
Մարտի 13-30–ն ընկած ժամանակահատվածում աշխատանքից ազատվածներն էլ 68,000 դրամ միանվագ աջակցություն կստանան։
