ԵՐԵՎԱՆ, 11 ապրիլի - Sputnik. Խոհարարությունը կարող է օգնել հաղթահարել կորոնավիրուսի համավարակի ժամանակ առաջացած սթրեսը։ Այս եզրակացությանն է հանգել Տեխասի համալսարանի հոգեբան Մերի Մաքնոթոն-Քասիլը։
Ինքնամեկուսացման շրջանում շատերն են սկսել փորձել իրենց ուժերը խոհարարական արվեստում․ կորոնավիրուսի մասին նորություններին զուգահեռ համացանցը հեղեղվել է վեգանական ուտելիքի, խմորեղերի և ուրիշ համեղ բաների լուսանկարներով։ Պարզվում է, որ սա ոչ թե Instagram-ի հերթական թրենդ է, այլ ուղեղի պաշտպանական ռեակցիա։
Հռչակավոր աստղերն աշխարհին ցույց են տվել, որ հայ են. ազգային կերակուրների ֆլեշմոբ
Կլինիկական հոգեբան Մերի Մաքնոթոն-Քասիլն ապացուցել է, որ սնունդ պատրաստելը խուճապից առաջացած սթրեսի դեմ պայքարելու ամենաճիշտ տարբերակն է։ Մասնագետի կարծիքով՝ համային նոր համադրությունները ուղեղին «ապաքինող ազդանշաններ» են ուղարկում։
«Համեմունքի ու վանիլի բույրը հաճախ հիշեցնում է կյանքի երջանիկ շրջանի մասին։ Հոտառությունն ու այլ ռեցեպտորներ ուղղակիորեն կապված են ուղեղի՝ հույզերի ու հիշողությունների համար պատասխանատու հատվածների հետ», - նշել է գիտնականը։
Հենց այդ պատճառով ենթագիտակցական մակարդակով յուրաքանչյուր մարդ կարող է վերադառնալ մանկություն, երբ տատիկը խմորեղեն էր թխում, երբ ինքն անհոգ էր ու «համավարակ» բառը չկար մարդկանց բառապաշարում։
Մասնագետը համեմատել է սնունդ պատրաստելը մեդիտացիայի հետ, իսկ արդյունքը՝ արվեստի գործի, որը կարող է ստեղծել նույնիսկ սկսնակը։
Առաջարկում ենք փոքրից սկսել․ քանի կարանտինի մեջ եք, փորձեք երեք առողջ խորտիկ պատրաստել։
Արտակարգ դրության ծիծաղելի կողմը․ ինչ մեմեր ու անեկդոտներ են շրջում համացանցում
