ԵՐԵՎԱՆ, 9 ապրիլի – Sputnik․ Ինքնաթիռը հայ և վրացի դպրոցականներին ԱՄՆ-ից Թբիլիսի կհասցնի ապրիլի 10-ին՝ Դոհայով։ Տեղեկությունը հայտնել է Վրաստանի վարչապետ Գեորգի Գախարիան։
Ձավարյան եղբայրները Լոնդոնում պայքարում են կորոնավիրուսի դեմ․ տեսանյութ
Դպրոցականներին հայրենիք կվերադարձնեն կորոնավիրուսի համարավարակի պատճառով։
«Մեր հայ գործընկերները խնդրել են հատուկ չվերթով (որը պետք է ԱՄՆ-ից բերի 79 վրացի դպրոցականներին) բերել նաև 35 հայ երեխաներին»,-ասել է Գախարիան։
Նա նշել է, որ վրացական կողմը տասն օր շարունակ բանակցություններ է վարել ամերիկյան կողմի հետ՝ դպրոցականների փոխադրումը կազմակերպելու համար։
Տարհանումը կկազմակերպի ամերիկյան կողմը: Դպրոցականներին կտեղափոխեն Թբիլիսի:
Գիտնականները պարզել են, թե երբ կարող է կորոնավիրուսը տարածման պիկին հասնել
Նշենք, որ խոսքը Ապագա առաջնորդների փոխանակման ծրագրով (Flex) Ամերիկա գնացած, ամերիկյան ընտանիքներում ապրող ու ամերիկյան դպրոցներ հաճախող երեխաների մասին է:
Ապրիլի 9-ի դրությամբ աշխարհում կորոնավիրուսով վարակվածների թիվը կազմում է 1 միլիոն 529 հազար 361 մարդ։ Վարակվածերի թվով առաջինը ԱՄՆ-ն է՝ 435․160 մարդ։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։
Կազմակերպությունը բոլոր պետություններին կոչ է արել միավորվել վարակի դեմ պայքարում։
Արցախում ևս 3 մարդ է թեստավորվել. մեկը՝ կորոնավիրուսով հիվանդ տղամարդու ընտանիքից է
