ԵՐԵՎԱՆ, 9 մարտի – Sputnik. Դոնորները Հայաստանում շարունակում են արյուն հանձնել, կորոնավիրուսային վարակի հետ կապված իրավիճակը նրանց վրա չի ազդել։ ՀՀ առողջապահության նախարարությունից Sputnik Արմենիային հայտնեցին, որ դոնորներն արյուն հանձնելուց առաջ կորոնավիրուսի թեստ չեն հանձնում։
«Ապացույցներ չկան, որ կորոնավիրուսը փոխանցվում է արյան միջոցով, հետևաբար դոնորները վարակի թեստ չեն հանձնում», - ասացին առողջապահության նախարարությունից։
Դոնորի համար ամենակարևոր պահանջը, որ նա առողջ լինի, հիվանդություններ չունենա, ջերմություն չունենա։
Ի դեպ, Ռուսաստանում արդեն սկսել են արյան փոխներարկում անել կորոնավիրուսից բուժված մարդկանցից այն մարդկանց, որոնք դեռ չեն ապաքինվել այդ վարակից։ Մասնագետները կարծում են, որ այդ ձևը կարող է օգնել բուժել մարդկանց, քանի որ հիվանդացած ու առողջացած մարդու իմունիտետն այս կամ այն վարակի դեմ հակամարմիններ է արտադրում։
Շիրակի մարզում կորոնավիրուսով վարակվելու 13 դեպք է հաստատվել. մեկը բժիշկ է
Ինչպես տեղեկացրին ՀՀ առողջապահության նախարարությունից, Հայաստանում նման հարց դեռ չի քննարկվել, քանի որ համաշխարհային պրակտիկայում ապացուցված չէ, որ բուժման այդ տարբերակն արդյունավետ է։
Հիշեցնենք, որ ապրիլի 9-ի դրությամբ Հայաստանում կորոնովիրուսով վարակվածների թիվը հասել է 921–ի։ Կորոնավիրուսի առաջացրած բարդություններից մահացել է 10 մարդ, 138-ն առողջացել են։
ԵԱՏՄ–ն ընդդեմ կորոնավիրուսի. «բարության վարակ» է պետք
Մարտի 16-ից մինչև ապրիլի 14-ն արտակարգ դրություն է սահմանվել։ Փակ են բոլոր խանութները, բացի մթերայիններից։ Գործում են միայն դեղատներն ու ռազմավարական նշանակության օբյեկտները։
