ԵՐԵՎԱՆ, 8 ապրիլի – Sputnik․ Ազգային ժողովի` օրերս ընդունած վիճելի օրենքի միջոցով, ըստ որի` հեռախոսազանգերով մարդկանց տեղորոշումն ու շփման շրջանակն է պարզվում, այսօր մարդկանց մի խումբ կինքնամեկուսանա։ Կառավարության մամուլի կենտրոնում տեղի ունեցած ասուլիսի ժամանակ լուրը հայտնեց ՀՀ փոխվարչապետ, պարետ Տիգրան Ավինյանի խորհրդականը՝ Բագրատ Բադալյանը։
«Անում ենք հնարավորն ու անհնարինը»․ Տիգրան Ավինյանը կոչով դիմել է քաղաքացիներին. տեսանյութ
Մարտի 31-ին Ազգային ժողովը` բացառապես իշխանական «Իմ քայլը» խմբակցության պատգամավորների մասնակցությամբ, երկրորդ փորձից ընդունեց կառավարության առաջարկած՝ հեռախոսային խոսակցությունների վերահսկողության մասին նախագիծը, որը մինչ այդ քննարկման թեմա էր դարձել։
«Այդ անձանց տվյալները, համաձայն օրենքի, ոչնչացվելու են արտակարգ դրության ավարտից հետո` երկշաբաթյա ժամկետով։ Տվյալների ոչնչացմանը ներկա կլինեն այն բոլոր գերատեսչությունների ղեկավարները, որոնք այժմ կիրառում են այդ տվյալները։ Բացի այդ, կառավարությունը դիմելու է ԱԺ խմբակցություններին, որպեսզի յուրաքանչյուրից ներկայացուցիչներ լինեն այդ գործընթացին»,–ասաց Բադալյանը` հավելելով, որ սերվերներն ամբողջությամբ կոչնչացվեն։
«Ես ուղղակի ապշած եմ». Նարեկ Հախնազարյանը կարանտինը կանցկացնի երևանյան հյուրանոցում
Նրա խոսքով` համակարգը սկսել է գործել երեկվանից, և երեկ արդեն իսկ 100–ից ավելի քաղաքացիների հետ են շփվել։
Ինչ վերաբերում է Covid 19 Armenia բջջային հավելվածին, ապա դրա շնորհիվ արդեն 240 000 անգամ մարդիկ օնլայն թեստ են իրականացրել։ 1500 մարդ հայտնվել է կարմիր գոտում, և հարցազրույցի միջոցով առանձնացվել են որոշ դեպքեր։ Բջջային հավելվածի միջոցով կորոնավիրուսով բացահայտվել է վարակման 4 դեպք։
Բադալյանը հայտնեց` բջջային հավելվածը մշակել են հայ ծրագրավորողները` կամավորական սկզբունքով։
Հիշեցնենք, որ այսօրվա դրությամբ Հայաստանում կորոնավիրուսով վարակվածերի թիվը 881 է:
Կորոնավիրուսը պահում է տեմպը. Հայաստանում վարակվածների թիվը դարձավ 881
