ԵՐԵՎԱՆ, 7 ապրիլի – Sputnik. Կառավարությունը մտադիր է փոփոխություններ կատարել 2020 թ-ի բյուջեում: Տեղեկությունն այսօր ԱԺ տնտեսական հարցերի մշտական հանձնաժողովի նիստում հայտնեց ՀՀ ֆինանսների նախարար Ատոմ Ջանջուղազյանը:
«Մենք հիմա քննարկումների փուլում ենք և դրանվ է պայմանավորված, որ առայժմ ԱԺ-ին չենք ներկայացրել այն, ինչ ենթադրաբար կձևակերպենք որպես բյուջեի մասին օրենքի փոփոխությունների նախագիծ» ,- ասաց նա:
Ջանջուղազյանը նշեց, որ 2019-ի սեպտեմբերին, երբ այս տարվա բյուջեի նախագիծը ներկայացվում էր ԱԺ, հնարավոր չէր կանխատեսել այն համաշխարհային ու հայաստանյան զարգացումները, որոնք այսօր առկա են:
«Մասնավորապես՝ կարիք կլինի ներկայացնել թե՛ դեֆիցիտի պահանջը, թե՛ պարտքին ներկայացվող մոտեցումը»,- ասաց Ջանջուղազյանը:
Ֆինանսների նախարարը չբացառեց, որ հարկ կլինի նոր պարտք ներգրավել ու դրանով զսպել սպասվող տնտեսական բացասական զարգացումներն ու սպասումները: Ջանջուղազյանի խոսքով, եթե մինչ այժմ ՀՀ կառավարության հարկաբյուջետային քաղաքականությունն ուղղված է եղել պարտքի կայունացմանը, ապա այժմ, երբ կան բացասական ազդեցություններ, հարկաբյուջետային քաղաքականությունը պետք է կիրառվի որպես գործիք՝ դրանք չեզոքացնելու համար:
Արտակարգ դրությունն ազդել է նաև երկաթուղու աշխատանքի վրա. ինչ պետք է անեն ՀԿԵ-ում
Հիշեցնենք` Կենտրոնական բանկը վերանայել է այս տարվա ֆինանսատնտեսական կանխատեսումները: Պատճառը Հայաստանի և համաշխարհային տնտեսության վրա կորոնավիրուսի ունեցած հետևանքներն են։
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
ԿԲ նոր կանխատեսումներով տնտեսական աճն այս տարեվերջին նախկինում կանխատեսվածից շուրջ 7 անգամ պակաս կլինի՝ կազմելով ոչ թե 5.3, ինչպես սպասվում էր, այլ ընդամնեը՝ 0.7 տոկոս: ԿԲ հաշվետվության հեղինակները եկել են այն եզրահանգման, որ մասնավոր փոխանցումները կնվազեն 16-19 տոկոսով:
