ԵՐԵՎԱՆ, 3 ապրիլի –Sputnik. Հայտնի արտիստ Լև Լեշչենկոն կորոնավիրուսով հիվանդ չէ. բոլոր թեստերի պատասխանները բացասական են եղել։ Այս մասին երգիչը հայտնել է RT–ին տված հարցազրույցում։
«Ինձ նորմալ եմ զգում։ Թեստերը բացասական են։ Բուժում եմ թոքաբորբը։ Մնացածը` հետո»,– ասել է նա` շնորհակալություն հայտնելով բժիշկներին։
Լև Լեշչենկոն Կոմունարկայի հիվանդանոց էր տեղափոխվել մարտի 24-ին, բուժզննումից հետո նրա մոտ երկկողմանի թոքաբորբ էին ախտորոշել։ Երկու օր անց արտիստին մոտ COVID-19 են կասկածել։
Վարկած կար, որ երգիչը կարող էր վտանգավոր վիրուսով վարակված լինել օդանավում, երբ վերադառնում էր ԱՄՆ–ի հյուրախաղերից։
Ավելի վաղ Կոմունարկայի հիվանդանոցի գլխավոր բժիշկ Դենիս Պրոցենկոն հայտնել էր, որ երգչի մոտ ախտորոշված թոքաբորբն առաջացել է կորոնավիրուսի հետևանքով, նրա վիճակը գնահատվում էր կայուն։
«Մենք միասին ենք». կորոնավիրուսով վարակված Լեշչենկոյի կինը պատմել է նրա վիճակի մասին
Մարտի վերջին Լեշչենկոյի առողջական վիճակը բարելավվել էր։ Նրան վերակենդանացման բաժանմունքից սովորական պալատ են տեղափոխել, բացի այդ, դադարեցրել են նաև թթվածնային պրոցեդուրաները։ Իսկ գլխավոր բժիշկ Պրցենկոն անձամբ է կորոնավիրուսով վարակվել, թեև, պարզ չէ`ումից։
Իգոր Նիկոլաևը վարակվել է կորոնավիրուսով. հայտնի աստղերից ո՞ւմ հետ է նա շփվել
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը պետությունների կոչ է արել միավորվել վարակի դեմ ակտիվ պայքարի համար։ ԱՀԿ–ի վերջին տվյալներով՝ աշխարհում կորոնավիրուսով ավելի քան 1 մլն մարդ է վարակվել։
Ռուսաստանում ապրիլի 3-ի դրությամբ կորոնավիրուսով վարակվածների թիվը 4 149–է, նրանցից 34–ը մահացել են։
