Worldometers համաշխարհային վիճակագրական կայքի տվյալներով՝ այսօր առավոտյան աշխարհում կորոնավիրուսով վարակվածների ընդհանուր թիվն արդեն կազմում էր 859 701 մարդ։
Վերջին տվյալների համաձայն՝ COVID-19-ի զոհ են դարձել 42 340 մարդ։ Կորոնավիրուսի տարածման արագության առաջատարները շարունակում են մնալ ԱՄՆ-ն, Իտալիան և Իսպանիան։
ՀՀ-ին սահմանակից իրանը, որ սկզբնական շրջանում վարակվածների թվով աշխարհում առաջիններից էր, արդեն զիջել է այդ տխուր դիրքը այլ երկրների:
Հիշեցնենք՝ Առողջապահության համաշխարհային կազմակերպությունը մարտի 11-ին նոր COVID-19 կորոնավիրուսային վարակի բռնկումը համավարակ է հայտարարել։ Դրանից հետո աշխարհի բազմաթիվ երկրներում արտակարգ դրության ռեժիմ մտցվեց կորոնավիրուսի տարածումը կանխարգելելու նպատակով:
Հայաստանի որ մարզում կորոնավիրուսի քանի դեպք է գրանցվել
Հայաստանում, օրինակ, արտակարգ դրություն է հայտարարված մարտի 16-ից ապրիլի 14-ը։ Մարտի 25-ից ապրիլի 12-ը լրացուցիչ սահմանափակված է քաղաքացիների ազատ տեղաշարժը։
Վրաստանում մարտի 21-ից ապրիլի 21-ը արտակարգ դրության ռեժիմ է հաստատված։ Մարտի 31-ից սկսած անորոշ ժամանակով կարանտինային ռեժիմ է գործում ինչպես նաև պարետային ժամ՝ 21։00-ից մինչև առավոտյան 06։00-ը։ Չի աշխատում հասարակական տրանսպորտը, փակ են Թբիլիսի, Քութայիսի, Բաթումի, Փոթի, Զուգդիդի, Ռուսաթավի քաղաքները։
Իսկ այ Իրանում կարանտին կամ արտակարգ դրություն չկա։ Խիստ սահմանափակումներ են գործում մարտի 31-ից մինչև ապրիլի 3-ը։ Արգելված է տեղաշարժը մի քաղաքից մյուսը, այդ թվում անձնական մեքենայով։ Քաղաքացիների մուտքը թույլատրված է ըստ գրանցման վայրի։
Sputnik Արմենիան ներկայացնում է, թե ինչ սահմանափակումներ են գործում Հայաստանում և հարևան մի քանի բարեկամ ու ոչ բարեկամ երկրներում՝ կապված կորոնավիրուսի համավարակի հետ:
Ցանկում Հայաստանն է, Վրաստանը, Ադրբեջանը, Իրանը և Թուրքիան:
Ովքեր կաշխատեն արտակարգ դրության ժամանակ, և ինչը արգելված չէ
