ԵՐԵՎԱՆ, 1 ապրիլի – Sputnik. Շիրակի մարզպետարանի կառավարման ապարատին հատկացված մարտ ամսվա պարգևատրման ամբողջ գումարը՝ 8 մլն դրամ, ուղղվելու է մարզի մի շարք հաստատությունների համար ախտահանիչ և պաշտպանիչ միջոցներ ձեռք բերելու, ինչպես նաև ապրիլ ամսվա սոցիալական աջակցության հոդվածով նախատեսված գումարները համալրելու նպատակին։ Տեղեկությունը հայտնում է մարզպետարանի մամուլի ծառայությունը։
Պարգևատրման գումարները կոնկրետ նպատակներին ուղղելու առաջարկն արել է մարզպետ Տիգրան Պետրոսյանը։
Նա այսօր աշխատանքային խորհրդակցություն է անցկացրել մարզպետարանի ոլորտային պատասխանատուների մասնակցությամբ։ Խորհրդակցության ժամանակ քննարկվել են մարզում կորոնավիրուսի դեմ պայքարի միջոցառումների ընթացքը, ձեռնարկված քայլերն ու ծրագրերը, մոտակա աշխատանքների պլանավորման ձևաչափը։
Հիշեցնենք` Հայաստանում կորոնավիրուսով վարակվածների թիվն արդեն հասել է 571–ի։ Երեկ ՀՀ վարչապետ Նիկոլ Փաշինյանը հայտնեց, որ կորոնավիրուսով վարակվածներից 30–ի վիճակը ծանր է։ Այսօր նրանցից մեկը Здание администрации Ширакской области։ Հայաստանում կորոնավիրուսից մահանալու առաջին դեպքը գրանցվել էր մարտի 26-ին։ Եվս երկուսը մահացել էին մարտի 29-ին։
