ԵՐԵՎԱՆ, 30 մարտի – Sputnik. Ռուսական էստրադայի հայտնի երգիչ Իգոր Նիկոլաևի կորոնավիրուսային թեստի պատասխանը բացասական է։ Երգիչն ինքն է այդ մասին հայտնել Instagram–ում:
«Երկար սպասված պատասխանը: COVID-19` «բացասական»։ Ես շատ շնորհակալ եմ ընկերներիս ու գործընկերներիս անհանգստանալու և գոտեպնդման խոսքերի համար։ Շնորհակալություն բոլոր նրանց, ովքեր հավատում էին, որ այս ամենը դրական ավարտ կունենա։ Շնորհակալություն Կոմունարկայի հիանալի կոլեկտիվին պրոֆեսիոնալիզմի, լավատեսության և հոգատարության համար։ Շնորհակալություն ընտանիքիս սիրո, հավատի և լավատեսության համար»,– գրել է նա։
Посмотреть эту публикацию в Instagram
Հիշեցնենք` մարտի 27-ին հայտնի դարձավ, որ Նիկոլաևը կորոնավիրուսի թեստ է հանձնել։ Ավելի վաղ տեղեկություն էր տարածվել, որ երաժշտի մոտ օջախային թոքաբորբ է ախտորոշվել։ Նրան տեղափոխել էին Մոսկվայի Կոմունարկա ավանի հիվանդանոց։
Հիշեցնենք նաև, որ նույն բուժկենտրոն երկկողմանի թոքաբորբով տեղափոխվել էր նաև երգիչ Լև Լեշչենկոն։ Ինչպես արդեն տեղեկացրել ենք, հետազոտությունները ցույց են տվել, որ հանրաճանաչ երգիչ Լև Լեշչենկոյի մոտ ախտորոշված թոքաբորբն առաջացել է կորոնավիրուսի պատճառով։
MERCI Էյֆելյան աշտարակի վրա. Փարիզում երախտապարտ են կորոնավիրուսի դեմ պայքարող բժիշկներին
