Ժաննա Կրիկորովա, հատուկ Sputnik Արմենիայի համար
Վերջին ամբողջ շաբաթը Արցախում քաղաքագետների, լրագրողների և քաղաքացիական ակտիվիստների մակարդակով չեն դադարում քննարկումներն այն մասին, թե արդյո՞ք կորոնավիրուսի սպառնալիքի պատճառով պետք է հետաձգել մարտի 31-ին նախանշված խորհրդարանական և նախագահական ընտրությունները։
Արցախում պաշտոնապես վտանգավոր վարակով հիվանդանալու դեպքեր չեն հայտնաբերվել, սակայն սոցցանցերում օգտատերերից շատերը կարծիք են հայտնում, որ ընտրատեղամասերում մարդկանց կուտակումները, ժամանած դիտորդների և լրագրողների ներկայությունը բարենպաստ միջավայր կստեղծեն վիրուսի տարածման համար։ Մարդիկ պահանջում են արտակարգ դրության ռեժիմ հայտարարել և ներրդաշնակեցնել գործողություններն այն միջոցների հետ, որոնք կիրառվում են Հայաստանում։
Ընտրությունների հետաձգման հետ կապված արցախյան տրամադրությունները սոցցանցերում աջակցություն են ստանում նաև հայաստանյան հասարակ օգտատերերի, հայտնի լրագրողների և հասարակական գործիչների կողմից։ Հայտնի սոցցանցում տարածվում է գտել «հետաձգել Արցախի ընտրությունները» ֆլեշմոբը։ Ֆլեշմոբի լուսանկարում Արցախի հայտնի «տատիկն ու պապիկը» դիմակով են։
Արցախում կորոնավիրուսի կասկածով 3 քաղաքացի է մեկուսացվել
Ընտրությունների օրը հետաձգելու կոչով են հանդես եկել նաև նախագահի թեկնածու Վիտալի Բալասանյանը, Մասիս Մաիլյանը և Վահան Բադասյանը։
Նախագահի մեկ այլ թեկնածու` Ռուսլան Իսրայելյանը, կոչով դիմել է Արցախի Հանրապետության առաջնորդի պաշտոնի մյուս հավակնորդներին` առաջարկելով ընտրությունների հետաձգման համատեղ հայտարարությամբ հանդես գալ։
Արդյունքում այդ նախաձեռնությանն աջակցել է 14 թեկնածուներից միայն 4-ը։ Գործադիր իշխանությունն ու Արցախի ԿԸՀ–ն հայտարարությանը դեռ որևէ կերպ չեն արձագանքել։
Կորոնավիրուսի ոչ մի դեպք չի արձանագրվել. Արցախի ՊՆ–ն հերքում է լուրերը
