ԵՐԵՎԱՆ, 27 մարտի –Sputnik. Շիրակի մարզպետ Տիգրան Պետրոսյանը, ՀՀ ոստիկանության Շիրակի մարզային վարչության պետի ժամանակավոր պաշտոնակատար Վահրամ Ենգոյանի հետ միասին, այսօր՝ մարտի 27-ին, շրջայց է կատարել Գյումրու կենտրոնում, զրուցել ինչպես ծառայություն իրականացնող ոստիկանների, այնպես էլ քաղաքացիների հետ՝ հորդորելով կատարել տեղաշարժի սահմանափակումների վերաբերյալ՝ պարետի որոշումը։
Քանի երեխա կարելի է տեղափոխել ավտոմեքենայով. պարետի նոր որոշումը
![Արտակարգ դրություն՝ մարզպետի ու ոստիկանապետի հսկողությամբ. ինչ վիճակ է Գյումրիում Արտակարգ դրություն՝ մարզպետի ու ոստիկանապետի հսկողությամբ. ինչ վիճակ է Գյումրիում - Sputnik Արմենիա](https://cdn.am.sputniknews.ru/img/2254/29/22542995_0:0:1600:1066_600x0_80_0_0_b03652f229d8682ddabdb9b719ee3ec1.jpg)
«Մարդիկ շատ գիտակից էին ու շատ հստակ էր ամեն ինչ: Այն մարդկանց, որոնց հարցրինք՝ բոլորի մոտ և՛ անձը հաստատող փաստաթուղթ, և՛ տեղաշարժի մասին թերթիկ կար»,- Sputnik Արմենիայի հետ զրույցում ասաց Տիգրան Պետրոսյանը:
Մարզպետը նշեց, որ շրջայցի ընթացքում այցելել են բանկեր, դեղատներ, խանութներ, խոսել մի շարք տնտեսվարողների և Գյումրու կենտրոնական շուկայում առևտրով զբաղվողների հետ։
![Արտակարգ դրություն՝ մարզպետի ու ոստիկանապետի հսկողությամբ. ինչ վիճակ է Գյումրիում Արտակարգ դրություն՝ մարզպետի ու ոստիկանապետի հսկողությամբ. ինչ վիճակ է Գյումրիում - Sputnik Արմենիա](https://cdn.am.sputniknews.ru/img/2254/29/22542979_0:0:1600:1066_600x0_80_0_0_ef47774bf1d3e8c0e6e4004657308978.jpg)
Խնդիրներ են նկատել շուկայում՝ կապված հիգիենայի կանոնների պահպանման հետ:
![Արտակարգ դրություն՝ մարզպետի ու ոստիկանապետի հսկողությամբ. ինչ վիճակ է Գյումրիում Արտակարգ դրություն՝ մարզպետի ու ոստիկանապետի հսկողությամբ. ինչ վիճակ է Գյումրիում - Sputnik Արմենիա](https://cdn.am.sputniknews.ru/img/2254/29/22542990_0:0:1600:1066_600x0_80_0_0_ead2bfba2fd3195e0baeaaad063f93a7.jpg)
Պատասխանատուները քաղաքացիների հետ զրույցում հերթական անգամ կոչ են արել տնից դուրս գալ ծայրահեղ անհրաժեշտության դեպքում, իսկ շուկայի աշխատողներին հորդորել անպայման հետևել հիգիենայի կանոններին:
Հիշեցնենք, որ կորոնավիրուսի կանխարգելման նպատակով Հայաստանում մարտի 16–ից ապրիլի 14–ն արտակարգ դրություն է հայտարարվել։ Մարտի 25-ից սահմանափակվել է մարդկանց ազատ տեղաշարժի իրավունքը: Տնից դուրս գալ կարելի է միայն անձը հաստատող փաստաթղթով և լրացրած ձևաթղթով՝ ծայրահեղ անհրաժեշտության դեպքում: Ավելի վաղ Ավինյանը որոշում էր կայացրել, որ պետք է գործեն միայն դեղատները, պարենային խանութներն ու գյուղատնտեսական շուկաները։
«Ես նման բան երբեք չէի տեսել». գյումրեցիները կատարում են պարետի հրահանգը. լուսանկարներ