ԵՐԵՎԱՆ, 26 մարտի - Sputnik. Ժամեր առաջ կրակոցներ են հնչել Վրաստանի խորհրդարանի հայազգի պատգամավոր Հենզել Մկոյանի տան մոտ։ Jnews–ը, հղում անելով Վրաստանի Ներքին գործերի նախարարությանը, հայտնում է, որ կեսօրին պատգամավորի տան մոտ հնչած կրակոցների դեպքի առնչությամբ հետաքննություն է տարվում միանգամից երկու հոդվածով՝ Քրեական օրենսգրքի 126-րդ հոդվածի «բ» ենթակետով և 236-րդ հոդվածի 3-րդ մասով։
«Հետաքննությանը հայտնի է դարձել, որ պատգամավորի տան մոտ խմբակային ծեծկռտուք է եղել, ինչպես նաև գործում նշվում է անօրինական զենքի մասին»,- գրում է աղբյուրը։
Նշենք, որ Վրաստանի Քրեական օրենսգրքի 126-րդ հոդվածի «բ» ենթակետը վերաբերում է մի խումբ անձանց կողմից կատարված բռնությանը, կողոպուտին. այն պատժվում է տուգանքով, կամ 240 ժամ հանրօգուտ աշխատանք կատարելով, կամ մինչև 2 տարի ազատազրկմամբ: 236-րդ հոդվածի 3-րդ մասը վերաբերում է հրազեն, զինամթերք, պայթուցիկ նյութեր ապօրինի ձեռք բերելուն և պահելուն։ Արարքը պատժվում է ազատազրկմամբ՝ 3-ից մինչև 6 տարի ժամկետով, իսկ սույն հոդվածի չորրորդ մասը ենթադրում է ապօրինի զենքի կրում, որը պատժվում է ազատազրկմամբ՝ 4-ից 7 տարի ժամկետով:
Վրաստանի խորհրդարանի երկու հայ պատգամավորի տուգանել են սխալ հայտարարագրի պատճառով
Հենզել Մկոյանը խորհրդարանի պատգամավոր է ընտրվել Նինոծմինդայի և Ախալքալաքի մեծամասնական ընտրացուցակով։
Հայաստանում Վրաստանի դեսպանի կինը սեր է խոստովանել Երևանին և տոկունություն մաղթել հայերին
