ԵՐԵՎԱՆ, 26 մարտի — Sputnik. Մարտի 26-ի առավոտյան, 08:30-ի դրությամբ Հայաստանի տարածքում կազմվել է 286 վարչական իրավախախտման արձանագրություն, բերման է ենթարկվել 60 քաղաքացի: Տեղեկությունն այսօրվա կառավարության նիստի ընթացքում հայտնեց ՀՀ ոստիկանապետ Արման Սարգսյանը։
«685 տրանսպորտային միջոց երթևեկել են 2-ից ավելի ուղևորով, որոնց զգուշացվել է, իսկ 9 վարորդի վերաբերյալ կազմվել են վարչական իրավախախտման արձանագրություններ»,- ասաց նա:
Ոստիկանապետի այս զեկույցից հետո ՀՀ վարչապետ Նիկոլ Փաշինյանը ներողություն խնդրեց ՀՀ քաղաքացիներից անհարմարության համար և կոչ արեց հետևել պարետի ցուցումներին ու չվստահել պաշտոնական տեղեկատվությանը չհամապատասխանող տարբեր տեղեկություններին ու հրապարակումներին:
Հիշեցնենք` Հայաստանում մարտի 26–ի ժամը 10։00–ի դրությամբ կորոնավիրուսով վարակման 290 դեպք է գրանցվել։ Հայաստանում մարտի 16–ից ապրիլի 14-ը արտակարգ դրություն է հայտարարվել, իսկ մարտի 24–ի ժամը 23։59-ից խստացվել են արտակարգ դրության սահմանափակումները․ մեկ շաբաթ ՀՀ քաղաքացիները տնից դուրս գալու համար պետք է հիմնավոր պատճառ ունենան և ներկայացնեն անձնագիր ու պարետատան սահմանած ձևաթուղթ՝ ձեռագիր կամ տպագիր լրացրած։
Գերմանիայում կորոնավիրուսով վարակվածների թիվը գերազանցել է 36,5 հազարը
Սահմանափակումները խախտողները կենթարկվեն վարչական, իսկ տնից դուրս գալու հետևանքով մեկ ուրիշին վարակելու դեպքում՝ քրեական պատասխանատվության։
