Երևանն այսօր բոլորովին այլ տեսք ուներ, քանի որ կորոնավիրուսի կանխարգելմամբ պայմանավորված սահմանափակվել է քաղաքացիների տեղաշարժը։
Երևանի գլխավոր փողոցներն ու մայթերը կիսադատարկ են, փակ են սրճարաններն ու բարերը, և անգամ մեքենաների` ականջ խլացնող ազդանշանները չեն լսվում։
Մարդիկ օրենքի պահանջով տնից դուրս են գալիս միայն խիստ անհրաժեշտության դեպքում` չմոռանալով իրենց հետ վերցնել անձը հաստատող փաստաթուղթ և լրացնել ձևաթուղթը։ Ոստիկանները ողջ օրվա ընթացքում վերահսկում էին իրավիճակը։
Ինչպես է Արմեն Սարգսյանն աշխատում արտակարգ դրության պայմաններում
Այսօր մեքենաների շարժը նույնպես էականորեն նվազել է, քանի որ ոստիկանները նաև դա են վերահսկում։ Ի դեպ, արգելված է երկուսից ավելի (վարորդն էլ ներառյալ) մարդու առկայությունը մեքենայում։
Իրավիճակի լրջությունը դեռ չեն գիտակցում. ինչ խախտումներ է արձանագրել ոստիկանությունը
Արտակարգ դրությունը Հայաստանում կտևի մինչև ապրիլի 14–ը, իսկ քաղաքացիների տեղաշարժման սահմանափակումը կգործի մարտի 31-ը ներառյալ։
Արտակարգ ռեժիմում Հայաստանն անջուր ու անլույս չի մնա. նրանք աշխատում են, որ դուք մնաք տանը
