ԵՐԵՎԱՆ, 24 մարտի — Sputnik. Առաջիկայում ՀՀ քաղաքացիների համար տեղաշարժի սահմանափակումներ կլինեն. պարետատան հերթական նիստի ժամանակ այս մասին ասել է ՀՀ պարետ Տիգրան Ավինյանը։
«Մենք յոթ օրվա ընթացքում պետք է հնարավորինս փորձենք պահպանել ինքնամեկուսացման ռեժիմը»,–ասել է նա։
Ավինյանը հայտնել է, որ այսօր կհրապարակվի որոշ տնտեսական գործունեության տեսակների սահմանափակումների ցանկը, որոնց մասին դեռ երեկ ասել էր ՀՀ վարչապետ Նիկոլ Փաշինյանը։
Փոխվարչապետը տեղեկացրել է` 7 օրվա ընթացքում միայն առաջնային անհրաժեշտության տեսակի ծառայությունները, խանութներն ու դեղատները պետք է աշխատեն:
Արտակարգ դրությունը կարող է ձգվել մինչև մեկ տարի. ԱԺ նախագահ
Հիշեցնենք, որ Հայաստանում մարտի 16-ին արտակարգ դրություն է հայտարարվել, որը կտևի մինչև ապրիլի 14-ը։
Այսօրվա դրությամբ Հայաստանում կորոնավիրուսով վարակման 235 դեպք կա։ Այսօրվանից կարգելվեն սրճարանների գործունեությունը, իսկ մինչ այդ արգելվել էր զվարճանքի վայրերի աշխատանքը։
