ԵՐԵՎԱՆ, 23 մարտի - Sputnik. Ամերիկացի երգչուհի Մադոննան Twitter-ում տեսանյութ է հրապարակել, որում նա COVID-19-ի մասին դատողություններ է անում լոգարանում նստած:
«COVID-19 կորոնավիրուսին չի հուզում, թե որքան հարուստ ես դու կամ հայտնի, որքան ծիծաղելի ես կամ խելացի, որտեղ ես ապրում և քանի տարեկան ես», – ասում է երգչուհին:
Մադոննան նշում է` բոլորս նույն նավում ենք հայտնվել, և եթե այդ նավը խորտակվի, բոլորս միասին ենք խորտակվելու։
No-Discrimination- Covid-19!! #quarantine #covid_19 #staysafe #becreative #brianeno pic.twitter.com/tvdzeJ7vv9
— Madonna (@Madonna) March 22, 2020
Վերջին օրերին համաշխարհային աստղերից շատերն են սոցցանցերի իրենց հետևորդներին հորդորում հետևել հիգիենայի կանոններին ու պահպանել ինքնամեկուսացման ռեժիմը:
Հիշեցնենք` մի քանի շաբաթ առաջ չեղարկվել էին Մադոննայի` Փարիզում նախատեսված համերգները։ Երկրպագուներին խոստացել են վերադարձնել տոմսերի գումարները։
Աշխարհահռչակ տենոր Պլասիդո Դոմինգոն վարակվել է կորոնավիրուսով
Առողջապահության համաշխարհային կազմակերպությունը (ԱՀԿ) մարտի 11-ին հայտարարել է, որ COVID-19–ը համավարակի է վերածվել։ Կազմակերպությունը կոչ է արել պետություններին միանալ վարակի դեմ ակտիվ պայքարին:
Չեղարկված համերգներ, պարտադրված կարանտին. Ռոբի Ուիլյամսը որոշել է անվճար երգել
