ԵՐԵՎԱՆ, 20 մարտի – Sputnik. Կորոնավիրուսի վարակի տարածումը կանխարգելելու և հաղթահարելու համար գանձապետարանում բացված հատուկ հաշվեհամարին մարտի 20-ի ժամը 18:00-ի դրությամբ արդեն փոխանցվել է 321 մլն 167 հազար դրամ։ Ինչպես հայտնում է ՀՀ ֆինանսների նախարարությունը այդ ժամանակահատվածում հատուկ հաշվեհամարին փոխանցումներ են կատարել 1355 անհատներ ու կազմակերպություններ։
Ռուսաստանից Հայաստան փոխանցումները հնարավոր կլինի անել սմարթֆոնով
Հիշեցնենք՝ «Ֆիզիկական անձանց և կազմակերպությունների նվիրաբերությունից պետությանը, կորոնավիրուսային վարակի (COVID-19) կանխարգելման և հաղթահարման ապահովման համար ֆինանսական աջակցություն» 900005001947 հաշվեհամարը բացվել էր 3 օր առաջ՝ մարտի 17-ին։
ԱԺ պատգամավորների մարտ ամսվա պարգևավճարները կուղղվեն ՀՀ-ում կորոնավիրուսի դեմ պայքարին
Հաշվեհամարին իրենց պարգևավճարները փոխանցելու մասին արդեն հայտարարել են ԱԺ պատգամավորները։ Գումար են փոխանցել նաև հայաստանյան մի քանի բուհեր, ինչպես նաև առողջապահության նախարար Արսեն Թորոսյանը։
