Ավետիք Իշխանյանի դիտարկմամբ` հարցը բավականին բարդ է։ Ըստ իրավապաշտպանի` եթե իրավական տեսանկյունից մոտենանք մարդու անձնական կյանքին, ապա այստեղ կարող են լինել որոշակի խնդիրներ։ Իրավապաշտպանը չգիտի, թե որ չափանիշների դեպքում կարելի է անձի ինքնությունը հաստատել, բայց կարծում է, որ տվյալ դեպքում կարելի է առաջնորդվել ոչ այնքան օրենքով, որքան էթիկայի նորմերով։
«Հիշենք էջմիածնեցի կնոջը։ Թեև նրա անուն ազգանունը չէին հայտնում, բայց երբ նրա մասին տեղեկությունը շրջանառվեց, տեսանք, թե ինչ թյուրիմացություն եղավ այդ ամբողջ պատմության շուրջ։ Մի կողմից այդ կնոջը բոլորովին անիմաստ տեղը խայտառակեցին, մյուս կողմից նրա հարազատների մոտ առաջացավ վրեժի զգացողություն։ Այսինքն` այստեղ էթիկայի նորմերի պահպանումը շատ կարևոր է»,– նշում է Հայաստանի Հելսինկյան կոմիտեի նախագահը։
Ավետիք Իշխանյանը կարծում է, որ չպետք է նույնականացվեն հիվանդներն ու մեկուսացվածները, թեև նա կասկածում է, որ դա հնարավոր ներհայաստանյան պայմաններում։
Իսկ ինչ վերաբերում է լրատվամիջոցներով տարածվող տեղեկություններին, ապա Իշխանյանի դիտարկմամբ` ԶԼՄ–ները նույնպես պետք է հետևեն էթիկայի կանոններին։ Դա պետք է լինի նրանց ներքին որոշումը` անկախ օրենքից, որպեսզի նույնականացման տվյալներ չհրապարակեն։
Հայաստանում արդեն 100 մլն դրամ են նվիրաբերել կորոնավիրուսի դեմ պայքարին
Իրավապաշտպանի կարծիքով`մեզ մոտ շատ դժվար է գաղտնի պահել տեղեկությունը, այն անցնում է բերնեբերան` տարածվելով հասարակության ներսում։ Նրա համոզմամբ` անձի նույնականացման արգելքը չարյաց փոքրագույնն է։
Հիշեցնենք՝ Հայաստանում կորոնավիրուսի տարածումը կանխելու նպատակով մարտի 16-ից ապրիլի 14-ն արտակարգ դրություն է հայտարարված: Երկրում մարտի 19–ի ժամը 14։00–ի դրությամբ 122 վարակված կա, որոնցից մեկն առողջացել է:
Վարակման առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ էր, որն Իրանից Հայաստան էր ժամանել փետրվարի 28-ին: Նա արդեն դուրս է գրվել հիվանդանոցից։
Տղամարդիկ 2.5 անգամ ավելի շատ են մահանում կորոնավիրուսից, քան կանայք. Թորոսյան
