ԵՐԵՎԱՆ, 17 մարտի - Sputnik. ՀՀ արդարադատության փոխնախարար Ռաֆիկ Գրիգորյանն ինքնամեկուսացած է։ Այսօր ԱԺ ֆինանսավարկային և բյուջետային հանձնաժողովի նիստի ժամանակ այս տեղեկությունը գործընկերներին հաղորդեց հանձնաժողովի նախագահ Մանե Թանդիլյանը։
Աշխարհում կորոնավիրուսով վարակվածների թիվը գերազանցել է 182 հազարը. մարտի 17–ի տվյալներ
«Հարակից զեկուցողը՝ պարոն Գրիգորյանը, տեղեկացրել է, որ ինքնամեկուսացած է և չի կարող գալ»,- ասաց նա։
Նիստին ներկա չեն նաև Ֆինանսական հաշտարարի գրասենյակից հրավիրվածները, որոնք, Մանե Թանդիլյանի խոսքով, ևս տեղեկացրել են, որ չեն կարող մասնակցել նիստին ինքնամեկուսացած լինելու և առողջական խնդիրներ ունենալու պատճառով։
Սահմանադրության փոփոխությունների հանրաքվեի հետ կապված աշխատանքները դադարեցվում են. ԿԸՀ
Այսպիսով` ֆինանսական հաշտարարի համակարգի մասին օրենքում փոփոխությունների նախագծի քննարկումն իրականացվեց առանց հիմնական զեկուցողի։ Իսկ ֆինանսական հաշտարարի գրասենյակից հրավիրվածների փոխարեն ներկայացել էր մեկ այլ աշխատակից։
Հիշեցնենք`Հայաստանում մարտի 16–ի ժամը 18։00–ից մինչև ապրիլի 14–ի ժամը 17։00–ներառյալ արտակարգ դրություն է հայտարարված։ Մեր երկրում այս պահի դրությամբ գրանցվել է կորոնավիրուսի 52 դեպք, որից 32-ը կապված են էջմիածնի, 11–ը` արտադրամասի հետ։
Հայաստանում կորոնավիրուսի առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ էր, որն Իրանից Հայաստան էր ժամանել փետրվարի 28-ին: Նա արդեն դուրս է գրվել հիվանդանոցից։ Մարտի 11-ին ՀՀ–ում կորոնավիրուսի երեք նոր դեպք հայտնաբերվեց։
ԱԺ-ում հյուրին թույլ չտվեցին հանել բժշկական դիմակը. նա էջմիածնից է
Վարակվածները եկել էին Իտալիայից։ Նրանցից մեկն Էջմիածնի բնակչուհի է և, ըստ լուրերի, գնացել էր Իտալիա` որդու ընտրյալի համար հարսանյաց զգեստ գնելու, այնուհետև Էջմիածնում մասնակցել էր որդու նշանադրությանը։ Դրանից հետո վարակակիրների թիվը սկսեց աճել։
Մարտի 16-ին Փաշինյանը հայտնեց, որ կորոնավիրուսի դեպք է արձանագրվել նաև Երևանի արտադրական ձեռնարկություններից մեկում։
Ի դեպ, առաջին վարակվածն արդեն առողջացել ու դուրս է գրվել հիվանդանոցից։
