ԵՐԵՎԱՆ, 15 մարտի – Sputnik. Տպավորություն է, որ մարդիկ կորոնավիրուսի հետ կապված յուրաքանչյուր լուրը կարդալուց կամ լսելուց հետո «վազում» են սոցցանցեր, որպեսզի հագուրդ տան իրենց ստեղծագործական մտքին։ Եվ ծնվում են անթիվ-անհամար կեսլուրջ-կեսկատակ մեմեր։ Իրենց մեջ երգիծաբանի տաղանդ են բացահայտում անգամ հումորից հեռու մարդիկ։
Սոցցանցերի հայկական տիրույթում տարածվել է մի լուսանկար, որում անհայտ հեղինակը համադրել է առողջապահության նախարար Արսեն Թորոսյանի արտահայտիչ միմիկան ու համբուրվող զույգի լուսանկարը։
Օգտատերերը տարածել են նաև Հյուսիսային Կորեայի առաջնորդ Կիմ Չեն Ինի լուսանկարը, որին կից գրված է․ «Հյուսիսային Կորեայում գնդակահարվել է կորոնավիրուս ունեցող առաջին ու վերջին հիվանդը։ Համաճարակն ավարտվեց»։
Հետո այդ մեմը շարունակություն է ունեցել։
Twitter–ում ինչ-որ մեկն առանձնացել է սև հումորով։
Понравилось из WhatsApp
— СОБАКА УКРОП (@boris0630) March 6, 2020
В Израиле зарегистрирована первая смерть от коронавируса. Жена задушила мужа после недели совместного карантина
Facebook-ում «Լուրեր դժոխքից» անունով էջն էլ գրել է․ «Հարգելի քաղաքացիներ, տեղեկացնում ենք, որ 44 համարի ավտոբուսի ջեբկիրները կորոնավիրուսի կապակցությամբ այսօրվանից տնից են աշխատելու։ Հորդորում ենք կատարել վճարումները էլեկտրոնային եղանակով։Հայցում ենք ձեր ներողամտությունը պատճառած անհանգստությունների համար»։
«Կորոնավիրուսից փախչելն անհեթեթություն է». Տաթևիկ Ռևազյանն ասել է` ինչու է մեկնել Դանիա
Պարզվում է՝ Կալուգայում էլ արդեն կորոնավիրուս են «խաղում»։ Օգտատերերից մեկը նշում է, որ շուտով նույնանուն համակարգչային խաղ կստեղծվի։
Իսկ սա արդեն զբոսաշրջության ոլորտից է։ Ինչպես տեսնում ենք, COVID-19-ը չի վախեցնում Հայաստանում ճանապարհորդող և Սևան այցելած ռուս զբոսաշրջիկներին։
Ինչու Է Ռուբեն Բաբայանը չհամբուրվելու մասին հրաման ստորագրել
«Կորոնավիրուսին ասենք ո՛չ։ Ռուս զբոսաշրջիկները լողում են Սևանա լճում։ Օդի ճերմաստիճանը +4⁰ է...»։
Թերևս իրական խուճապն արձանագրվել է միայն Հոլիվուդում նկարահանված տեսանյութում, որում երևում է, թե ինչպես են մարդիկ, այդ թվում՝ հայերը, խուճապահար հաց գնում խանութներում։
Բայց այդ կադրերը դիտելուց հետո պետք է ուշադրություն դարձնել հետևյալ տվյալներին։
