ԵՐԵՎԱՆ, 14 մարտի – Sputnik. ՀՀ վարչապետ Նիկոլ Փաշինյանը Facebook–ի իր էջում 3 լուսանկար է հրապարակել, որոնցից երկուսի վրա կարմիր նշում է արել, երրորդի վրա` կանաչ։
«Առանց մեկնաբանության»,– լուսանկարներին կից գրել է նա։
Օգտատերերից մեկը նկատել է. «Բայց վերջին նկարում էլ ձեռք բռնած վիճակում եք»։
Մեկ ուրիշն էլ գրել է. «Մի հատ ջիգյարով բարև–բարլուս էր մնացել, դա էլ հարամ եղավ»։
Երրորդն էլ մի հարց է տվել ու ինքն էլ պատասխանել իր հարցին. «Բա որ գալիս, զոռով փաթաթվում են, ի՞նչ անենք։ Բռնենք փռշտանք»։
Հիշեցնենք, որ Փաշինյանը կնոջ` Աննա Հակոբյանի հետ երեկ ինքնամեկուսացել էր Սևանում, և նրանք կորոնավիրուսի թեստ էին հանձնել, որոնց պատասխանը բացասական է եղել։
Հայաստանում այս պահի դրությամբ կա կորոնավիրուսով վարակվելու 18 դեպք։
