ԵՐԵՎԱՆ, 12 մարտի — Sputnik. ՀՀ պաշտպանության նախարար Դավիթ Տոնոյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկին։
![Տոնոյանն ընդունել է Անջեյ Կասպրշիկին. դեսպանը պատրաստ է առավելագույն ջանքեր գործադրել Տոնոյանն ընդունել է Անջեյ Կասպրշիկին. դեսպանը պատրաստ է առավելագույն ջանքեր գործադրել - Sputnik Արմենիա](https://cdn.am.sputniknews.ru/img/2237/01/22370173_0:0:1024:694_600x0_80_0_0_2a945f33e4954915ff1bcea10d082a5e.jpg)
Ինչպես հայտնում է ՀՀ ՊՆ մամուլի ծառայությունը, հանդիպման ընթացքում պաշտպանության նախարարը դեսպանին է ներկայացնել հայ-ադրբեջանական պետական սահմանին և արցախա-ադրբեջանական ուժերի շփման գծում տիրող իրավիճակը, հրադադարի ռեժիմի խախտման հաճախականությունն ու բնույթը:
Տոնոյանը Կասպրշիկին իր մտահոգությունն է հայտնել վերջին օրերին հայ-ադրբեջանական պետական սահմանի որոշ հատվածներում հակառակորդի գործողությունների աշխուժացման փորձերի կապակցությամբ:
![Տոնոյանն ընդունել է Անջեյ Կասպրշիկին. դեսպանը պատրաստ է առավելագույն ջանքեր գործադրել Տոնոյանն ընդունել է Անջեյ Կասպրշիկին. դեսպանը պատրաստ է առավելագույն ջանքեր գործադրել - Sputnik Արմենիա](https://cdn.am.sputniknews.ru/img/2237/02/22370246_0:0:1024:661_600x0_80_0_0_35e4064c3416e5ee0e46238ebce1f2e1.jpg)
Նախարարը նշել է, որ տարածաշրջանային ռազմաքաղաքական զարգացումները, միջազգային տնտեսական, համաճարակային վիճակը, եղանակային պայմանները և մի շարք այլ գործոններ մեծացնում են իրավիճակի ապակայունացման հավանականությունը:
Այս առումով պաշտպանության նախարարը կարևորել է լարվածության թուլացման միջոցառումների շուտափույթ իրականացումը՝ նոր սադրանքները բացառելու առումով:
Դեսպան Կասպրշիկը պատրաստակամություն է հայտնել առավելագույն ջանքեր գործադրել լարվածության թուլացման ուղղությամբ իր միջնորդական առաքելության մեջ:
Զրուցակիցները քննարկել են նաև գերության և անազատության մեջ պահվող քաղաքացիների հետ կապված հումանիտար հարցեր:
Զախարովան պատասխանել է Հայաստանի ու Ադրբեջանի սահմանին էսկալացիայի մասին հարցին