ԵՐԵՎԱՆ, 12 մարտի — Sputnik. Գյումրիում ծեծված 13-ամյա աղջնակի առողջական վիճակն արդեն կայուն է, նա կարողանում է խոսել: Տեղեկությունը Facebook-ի իր էջում հրապարակել է Սուրբ Աստվածամայր» ԲԿ-ի մամուլի խոսնակ Գևորգ Դերձյանը։
«Դեռ վերակենդանացման բաժանմունքում է, գտնվում է «Սուրբ Աստվածամայր» ԲԿ-ի բժիշկների հսկողության տակ: Ժամանակ առ ժամանակ անհանգստության դրսևորումներ է ունենում, բայց երեխայի հետ հոգեբաններ են աշխատում: Առողջության մեջ կա դրական դինամիկա»,–գրել է նա:
Հիշեցնենք` մարտի 5-ին, ժամը 15։40-ին Գյումրու Պռոշյան փողոցի տներից մեկում հայտնաբերվել էր 43-ամյա Մարինե Խ.-ի դիակը՝ բռնության հետքերով: Նույն տնից «տրավմային շոկ, գանգուղեղային փակ վնասվածքով» հիվանդանոց է տեղափոխվել 13-ամյա Նազելի Խաչատրյանը: Նրանք մայր ու դուստր են:
43–ամյա կնոջը հուղարկավորել են մարտի 11–ին, Գյումրու քաղաքապետարանի ուժերով։ Թաղման արարողությանը հարազատներից ոչ ոք չէր մասնակցում։
Մարտի 9–ին արդեն Նազելի Խաչատրյանը սկսեց ակտիվություն ցուցաբերել, կոնտակտային որոշ բառեր արտաբերել։
Գյումրիում ծեծված 13-ամյա աղջիկն արդեն ինքնուրույն է շնչում. նրան այցելել է Փաշինյանը
