ԵՐԵՎԱՆ, 9 մարտի — Sputnik. Ոստիկանությունը հետախուզում է հայտարարել քրեական հեղինակություն, «Վստրեչի ապեր» մականունով հայտնի 49-ամյա Արամ Վարդանյանի նկատմամբ։
Ըստ պաշտոնական հաղորդագրության` նա մեղադրվում է սպանության փորձ, կողոպուտ և անձի առևանգում կազմակերպելու մեջ։
Իրավապահները խուզարկում են «Վստրեչի ապերի» տունը. կան բերման ենթարկվածներ
Ոստիկանությունը նրա գտնվելու վայրի մասին տեղեկություն ունեցողներին խնդրում է դիմել ոստիկանության մոտակա բաժին` երաշխավորելով տեղեկություն հայտնողի գաղտնիությունը։
Մարտի 6-ին դատարանը Արամ Վարդանյանին կալանավորելու միջնորդություն էր կայացրել։
Հիշեցնենք` փաստաբան Երվանդ Վարոսյանը Facebook–ի իր էջում գրել էր, որ փետրվարի 4–ի լույս 5–ի գիշերը, ժամը 02.40-ի սահմաններում, ոստիկանության հարյուրավոր աշխատակիցների կողմից տեղի է ունեցել հարձակում Արամ Վարդանյանին (Վստրեչի ապեր) և նրա հարազատներին պատկանող` Արցախի փողոցի 17 հասցեում գտնվող տների վրա։
Sputnik Արմենիային ոստիկանությունից հայտնել էին, որ գիշերը «Վստրեչի ապերի» տանը գործողություններ են իրականացվել կոնկրետ քրեական գործի շրջանակներում։
Արամ Վարդանյանի պաշտպաններից Լուսինե Սահակյանը լրագրողների հետ զրույցում հայտնել էր, որ Վարդանյանի ու նրա հարազատների տներում կատարված գործողությունների արդյունքում կան բերման ենթարկվածներ։ Նա նշել էր, որ ոստիկանները բաժին են տարել իր պաշտպանյալի տանը եղած բոլոր տղամարդկանց։
«Վստրեչի ապերի» եղբորորդուն` Արման Վարդանյանի մեղադրանք է առաջադրվել առևանգման համար, նրա բարեկամին՝ կողոպուտի: Ըստ պաշտպանի՝ մեղադրանքի հիմքում ամուսինների ցուցմունք է, որոնք նշել են, որ ենթադրում են, թե իրենց որդուն առևանգել է Վարդանյանը։
Ինչպես են ոստիկանները մտել «Վստրեչի ապերի» տուն. տեսանյութեր
