ԵՐԵՎԱՆ, 7 մարտի – Sputnik. «Ռոմա» ֆուտբոլային ակումբը որոշել է կորոնավիրուսից պաշտպանվելու խորհուրդներ ներկայացնել և հատուկ այդ նպատակով տեսանյութ է նկարահանել։
Նախ` պետք է ավելի հաճախ լվացվել. տեսանյութում Հենրիխ Մխիթարյանը հանգամանորեն լվանում է ձեռքերը։
Посмотреть эту публикацию в Instagram
Լեոնարդո Սպինացոլան ցույց է տալիս, որ պետք է քիչ դիպչել դեմքին ու շուրթերին, Նիկոլո Ձանյոլոն էլ անձեռոցիկով մաքրում է շուրջը` սեղանն ու հեռակառավարման վահանակը։
Նշենք, որ Մխիթարյանի նախկին մարզիչ Յուրգեն Կլոպին ասուլիսներից մեկի ժամանակ կորոնավիրուսից պաշտպանվելու խորհուրդներ էին հարցրել։ Ինչին ի պատասխան Յուրգենը գերմանացու խոհեմությամբ ասել էր. «Նման հարցերը պետք է պարզել գիտակներից, իսկ երկրպագուները չպետք է մտածեն, թե ֆուտբոլիստներն ու մարզիչներն ամեն բան գիտեն և կարող են»։
Հայաստանը փակում է կորոնավիրուսի ուղին. նոր խստացումներ եվրոպական երկրների համար
Հիշեցնենք, որ կորոնավիրուսի բռնկման պատճառով Իտալիայում Ա սերիայի բոլոր խաղերը մինչև ապրիլի 3-ը կանցնեն դատարկ տրիբունաներով։ Այնպես որ երկրպագուները ստիպված կլինեն նստել տանը և հեռուստացույցով դիտել իրենց սիրելի ֆուտբոլիստներին։
