ԵՐԵՎԱՆ, 6 մարտի – Sputnik. Մարտի 6-ին, առավոտյան ժամը 05.30-ի սահմաններում, ՀՀ հյուսիսարևելյան ուղղությամբ տեղակայված մարտական դիրքերից մեկի ուղղությամբ ադրբեջանական զինծառայողները ձեռնարկել են դիվերսիոն ներթափանցման փորձ: Տեղեկությունը հայտնում է ՀՀ պաշտպանության նախարարությունը։
«Դիրքապահ անձնակազմի գրագետ գործողությունների շնորհիվ հակառակորդը, կորուստներ տալով, հետ է շպրտվել իր ելման դիրք` թողնելով զինամթերք և ականորսիչ սարք: Հայկական կողմը կորուստներ չունի, գործողությունների արդյունքում թեթև վիրավորում է ստացել մեկ զինծառայող, դեպքի մանրամասները ճշտվում են»,– նշված է հաղորդագրության մեջ:
Գործողությունների վերլուծությունը ցույց է տալիս, որ տվյալ դիվերսիոն ներթափանցման համար, որն իրականացվել է համապատասխան պատրաստություն անցած անձնակազմի կողմից, հակառակորդն իրականացրել է նախապատրաստական լուրջ աշխատանքներ:
Հատկանշական է, որ ականադաշտերում անցումներ բացելու համար օգտագործվել է գերմանական արտադրության ականորսիչ:
© Photo : official site of the MoD of RAՀՀ ԶՈՒ զինծառայողները կանխել են դիվերսիոն ներթափանցման փորձը։
![Ադրբեջանը լուսադեմին դիվերսիոն ներթափանցման փորձ է արել. ՊՆ Ադրբեջանը լուսադեմին դիվերսիոն ներթափանցման փորձ է արել. ՊՆ - Sputnik Արմենիա](https://cdn.am.sputniknews.ru/img/2228/63/22286327_0:0:1200:844_600x0_80_0_0_650ac417c8ee28f6071110f57c926d4b.jpg)
ՀՀ ԶՈՒ զինծառայողները կանխել են դիվերսիոն ներթափանցման փորձը։
© Photo : official site of the MoD of RA