ԵՐԵՎԱՆ, 6 մարտի – Sputnik. ՀՀ նախագահ Արմեն Սարգսյանը ծննդյան օրվա կապակցությամբ անակնկալ է մատուցել Sputnik Արմենիայի «Դու մենակ չես» նախագծի 11-ամյա հերոս Ռոմիկ Արշակյանին:
Նախագահը տղային սմարթֆոն է նվիրել և շնորհավորել նրան: Sputnik Արմենիայի հետ զրույցում Ռոմիկն ասաց, որ շատ ոգևորված է և, երբ խոսում էր ՀՀ նախագահի հետ, հազիվ էր զսպում արցունքները:
«Ես Սարգսյանին ասացի, որ ապագա նախագահն է խոսում իր հետ և շնորհակալություն հայտնեցի նվերների համար: Նա լավ մարդ է, հա էլ կուզեի իրեն հյուր գնալ»,- նշեց տղան:
Ռոմիկն ասաց, որ ինքն էլ Արմեն Սարգսյանի համար էր անակնկալ պատրաստել` Ախթամար կղզում գտնվող «Սուրբ Խաչ» եկեղեցու նկարը և երկու «փղիկներ»: Տղան վստահ է` «փղիկները» հաջողություն են բերում, ինչը շատ կարևոր է նախագահի դժվարին աշխատանքում։
Տղան նշեց, որ նախագահական նստավայր այցելելուց հետո ծնողներին ստիպել է հուշանվերներ գնել և դրանք պահել է, որ Սարգսյանին հանձնի:
Հայաստանի և Ռուսաստանի մասնագետները միասին կբուժեն քաղցկեղով հիվանդ երեխաներին
«Նա ուրախացավ, երբ իմացավ, որ ես հրշեջ եմ դառնալու, հետո ԱԻՆ նախարար, հետո էլ նախագահ։ Չեմ ուզում իրեն հիասթափեցնեմ ու մեծ արդյունքների կհասնեմ»,- եզրափակեց Ռոմիկը:
![Արմեն Սարգսյանը շնորհավորել է 11-ամյա Ռոմիկին Արմեն Սարգսյանը շնորհավորել է 11-ամյա Ռոմիկին - Sputnik Արմենիա](https://cdn.am.sputniknews.ru/img/2229/28/22292875_0:58:1501:1000_600x0_80_0_0_754eda7cc0102b37db5b28b69d9714e5.jpg)
![Արմեն Սարգսյանի անակնկալը շնորհավորել է 11-ամյա Ռոմիկին Արմեն Սարգսյանի անակնկալը շնորհավորել է 11-ամյա Ռոմիկին - Sputnik Արմենիա](https://cdn.am.sputniknews.ru/img/2229/50/22295014_0:798:1500:1740_600x0_80_0_0_613f3780588fb6ee1f8a0178f7e6ac44.jpg)
![Արմեն Սարգսյանի անակնկալը Ռոմիկ Արշակյանի ծննդյան կապակցությամբ Արմեն Սարգսյանի անակնկալը Ռոմիկ Արշակյանի ծննդյան կապակցությամբ - Sputnik Արմենիա](https://cdn.am.sputniknews.ru/img/2229/50/22295009_0:500:1601:1505_600x0_80_0_0_2a95e49c183bdab80bfe5f13db1439b5.jpg)
![Արմեն Սարգսյանի անակնկալը Ռոմիկ Արշակյանի ծննդյան կապակցությամբ Արմեն Սարգսյանի անակնկալը Ռոմիկ Արշակյանի ծննդյան կապակցությամբ - Sputnik Արմենիա](https://cdn.am.sputniknews.ru/img/2229/28/22292880_0:58:1500:1000_600x0_80_0_0_ec84dfb62faf0977ac03b45465a0d0c2.jpg)
Հիշեցնենք, որ ՀՀ նախագահ Արմեն Սարգսյանը Ռոմիկի և նրա ընտանիքի անդամների հետ առաջին անգամ հանդիպել էր փետրվարի 4-ին, երբ նշվում էր Քաղցկեղային հիվանդությունների դեմ պայքարի համաշխարհային օրը։ Արմեն Սարգսյանը զրուցել էր փոքրիկ Ռոմիկի և նրա ծնողների հետ, հետաքրքրվել երեխայի բուժման գործընթացով, հորդորել չընկճվել և հույսով ու հավատով վերաբերվել բուժման բոլոր փուլերին: