ԵՐԵՎԱՆ, 6 մարտի - Sputnik. Գյումրիում ծեծի ենթարկված 13-ամյա աղջնակի վիճակը շարունակում է ծայրահեղ ծանր մնալ. նա անգիտակից վիճակում է։ Տեղեկությունը լրագրողների հետ զրույցում հայտնեց «Սուրբ Աստվածամայր» ԲԿ տնօրեն Նիկոլայ Դալլաքյանը։
Հայտնել էինք, որ երեկ` մարտի 5-ին, Գյումրիում դաժան ծեծի էին ենթարկվել մայրն ու նրա անչափահաս դուստրը. կինը մահացել է, իսկ փոքրիկ աղջնակը ծայրահեղ ծանր վիճակում՝ մարմնական տարբեր վնասվածքներով տեղափոխվել հիվանդանոց:
«Երեխան ունի գլխի բազմաթիվ ոսկորների, ծնոտի, անրակի, 10-րդ կողի կոտրվածք, բազմաթիվ սալջարդեր, կրծքավանդակում` արյան կուտակում։ Նա շնչում է արհեստական շնչառության սարքի օգնությամբ»,- ասաց Դալլաքյանը։
Ըստ նրա` երեխայի մոտ գերակշռող են գանգուղեղային տրավմաները։
Կասկածյալը մոր ընկերն էր, երեխային վիրահատում են. նոր մանրամասներ Գյումրու սպանությունից
Հարցին` արդյո՞ք որևէ մեկը հետաքրքրվել է երեխայի առողջական վիճակով, հարազատները այցելե՞լ են նրան, Դալլաքյանը պատասխանեց` ոչ։
«Այս հարցով ոչ ոք մեզ չի դիմել»,- նշեց ԲԿ տնօրենը։
Բժշկի խոսքով` երեխայի վիճակից ելնելով, այս պահին վիրահատական միջամտության անհրաժեշտություն չկա։
Նշենք, որ դաժան ծեծի ենթարկված երեխային սկզբում տեղափոխել էին «Գյումրու մոր և մանկան ավստրիական հիվանդանոց», որտեղ անհրաժեշտ բուժօգնություն ցուցաբերելուց հետո որոշում է կայացվել 13-ամյա աղջնակին Երևան տեղափոխել. գիշերը նրան «Սուրբ Աստվածամայր» ԲԿ-ի ռեանիմոբիլով Երևան են բերել։
![Նիկոլայ Դալլաքյան, «Սուրբ Աստվածամայր» ԲԿ տնօրեն Նիկոլայ Դալլաքյան, «Սուրբ Աստվածամայր» ԲԿ տնօրեն - Sputnik Արմենիա](https://cdn.am.sputniknews.ru/img/2229/12/22291275_0:5:1600:1010_600x0_80_0_0_5796a4e81f7fd36b4d1072bc53cf8e85.jpg)
![«Սուրբ Աստվածամայր» ԲԿ աշխատակից «Սուրբ Աստվածամայր» ԲԿ աշխատակից - Sputnik Արմենիա](https://cdn.am.sputniknews.ru/img/2229/14/22291444_0:0:1600:1006_600x0_80_0_0_e74b85849aa191f140864393d25ed394.jpg)
![Նիկոլայ Դալլաքյան, «Սուրբ Աստվածամայր» ԲԿ տնօրեն Նիկոլայ Դալլաքյան, «Սուրբ Աստվածամայր» ԲԿ տնօրեն - Sputnik Արմենիա](https://cdn.am.sputniknews.ru/img/2229/17/22291799_0:0:1600:1006_600x0_80_0_0_6bacbddfa9f44ab69c699e3fde2bab4e.jpg)
![Նիկոլայ Դալլաքյան, «Սուրբ Աստվածամայր» ԲԿ տնօրեն Նիկոլայ Դալլաքյան, «Սուրբ Աստվածամայր» ԲԿ տնօրեն - Sputnik Արմենիա](https://cdn.am.sputniknews.ru/img/2229/17/22291793_0:5:1600:1010_600x0_80_0_0_b64ed1116977bb8377060d2d58c653ed.jpg)
![«Սուրբ Աստվածամայր» ԲԿ տեղափոխված 13-ամյա աղջիկը` վերակենդանացման բաժանմունքում «Սուրբ Աստվածամայր» ԲԿ տեղափոխված 13-ամյա աղջիկը` վերակենդանացման բաժանմունքում - Sputnik Արմենիա](https://cdn.am.sputniknews.ru/img/2229/17/22291787_2:0:1600:1065_600x0_80_0_0_cc1a50b8d2bc9b0d2c213448e3e4ecdd.jpg)
![«Սուրբ Աստվածամայր» ԲԿ տեղափոխված 13-ամյա աղջիկը` վերակենդանացման բաժանմունքում «Սուրբ Աստվածամայր» ԲԿ տեղափոխված 13-ամյա աղջիկը` վերակենդանացման բաժանմունքում - Sputnik Արմենիա](https://cdn.am.sputniknews.ru/img/2229/17/22291781_0:60:1600:1065_600x0_80_0_0_a996f6454d1191fd9c8cba9f6cb8618a.jpg)