ԵՐԵՎԱՆ, 1 մարտի –Sputnik. Այսօր՝ մարտի 1-ին, մահվան ելքով վրաերթ-ավտովթար է տեղի ունեցել Երևանում: Ժամը 00:10-ի սահմաններում Երևանի բնակիչ, 23-ամյա Ալեքս Սաղյանը իր վարած Opel մակնիշի 36 OD 331 համարանիշի մեքենայով Խանջյան փողոցի թիվ 11 հասցեի մոտ՝ հետիոտնի համար նախատեսված վերգետնյա անցումի հարևանությամբ վրաերթի է ենթարկել փողոցի անթույլատրելի հատվածով անցնող, Երևանի բնակիչ, 35-ամյա Վլադիմիր Մարգարյանին: Տեղեկությունը հայտնում է shamshyan.com-ը։
Վրաերթից հետո Ա. Սաղյանը բախվել է Երևանի բնակիչ, 36-ամյա Արթուր Աղաբեկյանի վարած Renault մակնիշի 188 AG 61 համարանիշի ավտոմեքենային:
Opel-ի վարորդը փախուստի չի դիմել, ահազանգել է Երևանի 1-03 շտապօգնություն, օգնել է վրաերթի ենթարկվածին տեղափոխել Երևանի թիվ 1 համալսարանական հիվանդանոց:
Մինչ տեղում հետաքննիչը աշխատանքներ էր կատարում, հիվանդանոցից ահազանգ է ստացվել, որ վրաերթի ենթարկվածը գիտակցության չգալով՝ մահացել է:
Ողբերգական վրաերթ Երևանում. հետիոտներից մեկը մահացել է, մյուսին տեղափոխել են հիվանդանոց
Փաստի առթիվ հարուցվել է քրեական գործ ՀՀ քր օրենսգրքի 242 հոդվածի (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների) շահագործման կանոնները խախտելը 2-րդ մասի հատկանիշներով:
Քննիչի հանձնարարականով ավտոմեքենաները տեղափոխվել են Երևանի ՃՈ պահպանվող հատուկ տարածք, իսկ վարորդները ենթարկվել են սթափության փորձաքննության, պարզվել է` նրանք եղել են սթափ վիճակում:
Վրաերթի հերթական դեպքը Հայաստանում. կին է մահացել
Ըստ աղբյուրի` դեպքի վայրից 1-2 մետր հեռավորության վրա վերգետյա անցում կա ու, քանի որ եղանակը անձրևային է եղել, Opel-ի վարորդը վերջին պահին է նկատել հետիոտնին, փորձել է խույս տալ, սակայն չի կարողացել և վրաերթի է ենթարկել հետիոտնին, ապա բախվել Renault-ին:
