00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
7 ր
Ուղիղ եթեր
09:36
23 ր
Ուղիղ եթեր
10:00
6 ր
Ուղիղ եթեր
10:07
53 ր
Ուղիղ եթեր
11:00
8 ր
Ուղիղ եթեր
13:00
5 ր
Ուղիղ եթեր
14:00
7 ր
Ուղիղ եթեր
17:00
5 ր
Ուղիղ եթեր
18:00
6 ր
5 րոպե Դուլյանի հետ
18:06
7 ր
Ուղիղ եթեր
19:00
5 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Հայաստանի էներգետիկ համակարգում կարող է նոր վթար գրանցվել, այս անգամ` ՀԱԷԿ–ի տարածքում

© Sputnik / Asatur YesayantsАрмянская атомная электростанция
Армянская атомная электростанция - Sputnik Արմենիա
Բաժանորդագրվել
Ատոմակայանի նախկին գլխավոր տնօրենն այսօր ահազանգել է հնարավոր վտանգի մասին։ ՀԱԷԿ-ի գլխավոր տնօրենի խորհրդական Գերա Սևիկյանը Sputnik Արմենիային վստահեցրել է, որ վիճակն այդքան էլ դրամատիկ չէ։

ԵՐԵՎԱՆ, 28 փետրվարի — Sputnik. 2019թ–ի հուլիսին Հայաստանի էներգետիկ համակարգում գրանցված վթարը, որի հետևանքով Հայաստանի որոշ հատվածներ ժամեր շարունակ մնացել էին հոսանքազրկված, կարող է կրկնվել։ Այսօր` փետրվարի 28-ին, Երևանում անցակցված «Հայաստանում ատոմային բնագավառի զարգացման հեռանկարները» թեմայով քննարկմանը նման կանխատեսում արեց Ատոմակայանի նախկին գլխավոր տնօրեն Սուրեն Ազատյանը։

Армянская атомная электростанция - Sputnik Արմենիա
Հայաստանն ու Ռուսաստանը ՀԱԷԿ–ի վարկի երկարացման հարցը դեռ չեն համաձայնեցրել

«Ատոմակայանի ներկայիս ենթակայանն այն վիճակում է, որ այնտեղ ամեն պահի կարող է լուրջ վթար գրանցվել ու մենք կունենանք նույն իրավիճակը, որն ունեցանք 2019թ–ին»,– ասաց նա։

Հնարավոր վթարի մասին կանխատեսումները Sputnik Արմենիան խնդրեց մեկնաբանել ՀԱԷԿ-ի գլխավոր տնօրենի խորհրդական Գերա Սևիկյանին։

Նա նշեց, որ խոսքը բաց բաշխիչ սարքի մասին է, որը պատկանում է ոչ թե ՀԱԷԿ–ին, այլ ՀԷՑ–ին։

«Ժամանակին այն, ուղղակի ինչ–ինչ նպատակահարմարությունից ելնելով, ներառվել էր մեր հաշվեկշռում։ Ու հիմա վիճակն այնպիսին է, որ դրա վերականգնումը Ատոմակայանի երկարատև կանգ կպահանջի։ Դրա համար մենք որոշեցինք այն առայժմ օգտագործել, մինչև ՀԱԷԿ–ի վերազինման ծրագրի շրջանակում նորը ձեռք բերենք»,– նշեց նա։

Հայկական ԱԷԿ–ի կյանքը երկարացնելու «բաղադրատոմսը» պատրաստ է. մրցույթ է սպասվում

Նա նաև ասաց, որ այս սարքի միջոցով ատոմակայանի արտադրած էլեկտրաէներգիան փոխանցվում է ընդհանուր ցանցին։

Սարքավորումը, մասնագետի խոսքով, շարքից դուրս է եկել դրա աշխատանքի արդյունքում առաջացած գոլորշու` ձմռանը սառցակալելու ու կարճ միացումներ առաջացնելու հետևանքով։

Նախկին տնօրենի նշած հնարավոր վթարի մասին Sputnik Արմենիայի դիտարկմանը Սևիկյանը պատասխանեց, որ եթե անգամ այն անջատվի Հայաստանը ռեակտորը կանգնեցնելու հնարավորություն ունի։

Sputnik զրույց - Վահրամ Պետրոսյան - Sputnik Արմենիա
Կամ մենք էինք խելացի, կամ Աստված մեզ ցույց տվեց ատոմակայանի կառուցման ճիշտ տեղը. Պետրոսյան

«Կարելի է փոքր վերանորոգում անել, մի քիչ զգույշ վարվել։ Սա կարելի է դեռ օգտագործել, այդքան դրամատիկ չէ վիճակը, որքան ներկայացվեց։ Բայց եթե անգամ այնպիսի վթար լինի, որ անջատվի, մենք ունենք հնարավորություն ռեակտորը կանգնեցնելու և սպասելու` երբ այն կվերականգնվի»,- հավաստիացրեց Սևիկյանը։

Հիշեցնենք` 2019թ–ի հուլիսի 10-ին Հայաստանում էներգետիկ վթարի հետևանքով Երևանում ու մարզերում էլեկտրաէներգիայի զանգվածային անջատումներ էին տեղի ունեցել։ Համատարած անջատումները, որոնք նաև հանրության մեջ խուճապ էին առաջացրել, պայմանավորված էին 2 խոշոր էլեկտրակայաններում` Երևանի և Հրազդան ՋԷԿ–երում միաժամանակ տեղի ունեցած վթարներով։

Լրահոս
0