ԵՐԵՎԱՆ, 27 փետրվարի — Sputnik. «Երևան» ֆուտբոլային ակումբին տուգանել են 700 հազար դրամով։ Որոշումը ընդունվել է այսօր կայացած Հայաստանի ֆուտբոլի ֆեդերացիայի կարգապահական նիստի ընթացքում։
Ի դեպ, նիստին քննարկվել է միայն մեկ հարց` «Երևան» ակումբի դիմումը Բարձրագույն խմբից դուրս գալու վերաբերյալ:
ՀՖՖ-ի կայքը հայտնում է նաև, որ որոշում է կայացվել ակումբին հեռացնել մրցաշարից:
Խաղացանկով նախատեսված «Երևանի» մյուս բոլոր հանդիպումներում մրցակիցներին 3:0 հաշվով տեխնիկական հաղթանակ է գրանցվելու:
Նշենք, որ «Երևան» ֆուտբոլային ակումբը 15 խաղ է անցկացրել և գրանցել նույնքան պարտություն։ Մարզչական անընդհատ փոփոխություներ ու ֆինանսական լուրջ խնդիրներ ունեցավ բարձրագույն խմբի նորեկ «Երևան» ակումբն իր կարճ`կես մրցաշրջան կենսագրությունում, որի միջնամասում ակումբը, այլևս չկարողանալով հոգալ իր ու իր ֆուտբոլիստների ֆինանսական պահանջները, դադարեցրեց իր գործնեությունը:
«Մխիթարյանը հրաշալի ֆուտբոլիստ է». «Ռոմայի» մարզիչը խոսել է նրա` թիմում մնալ–չմնալու մասին
