Ինչո՞ւ է մահացել քաղաքացին. «Աստղիկ» ԲԿ–ի տնօրենը հերքում է շրջանառվող լուրերը

ԵՐԵՎԱՆ, 27 փետրվարի — Sputnik. Շրջանառվող լուրերը, թե հիվանդանոցում Իրանի քաղաքացի է մահացել կորոնավիրուսից, իրականությանը չեն համապատասխանում. Sputnik Արմենիայի հետ զրույցում այս մասին հայտնեց ԲԿ–ի տնօրեն Ասատուր Ասատրյանը։

«Քաղաքացին մահացել է երկկողմանի թոքաբորբից։ Ավելին, նա Իրանի քաղաքացի էլ չէ, ՀՀ քաղաքացի է, որը վերջերս էր եկել Իրկուտսկից»,–ասաց Ասատրյանը։

Նա հայտնեց նաև, որ ժամեր առաջ վերահիշյալ քաղաքացու անալիզներն ուղարկել են ստուգման և նրա մոտ կորոնավիրուս չի ախտորոշվել։

Ավելի ուշ «Աստղիկ» ԲԿ–ն նույնպես հայտարարություն տարածեց` հերքելով շրջանառվող լուրերը։

Հիշեցնենք` փետրվարի 26-ի տվյալներով, Իրանում գրանցվել է վարակման 245 և մահվան 26 դեպք:

Իրանից եկած բեռնատարները ՀՀ տարածքում կերթևեկեն մասնագետների և ոստիկանների ուղեկցությամբ

Այսօր կառավարության նիստի ժամանակ վարչապետ Նիկոլ Փաշինյանը հայտարարել էր, թե հնարավոր չէ` Հայաստանում կորոնավիրուսի վարակման դեպք լինի և այդ լուրը թաքցնեն հասարակությունից։