Աշոտ Մելիքյանը նշում է, որ ավելի ճիշտ կլիներ, եթե պետռեգիստրի տվյալները անվճար հասանելի լինեին ՀՀ բոլոր քաղաքացիներին։
«Որքանով մեզ հավաստիացնում էին իշխանական ատյաններում, դա այդպես էլ լինելու է, ուղղակի հիմա իրենք ուզում են փուլ առ փուլ գնալ դրան, և առաջինն այդ տվյալները բացում են, դարձնում են անվճար լրատվամիջոցների համար։ Սա ընդհանուր առմամբ դրական երևույթ է, ուղղակի շատ ավելի ճիշտ կլիներ, «Տեղեկատվության ազատության մասին» օրենքի համաձայն, միանգամից բացել տվյալները բոլորի համար` հասու դարձնելով յուրաքանչյուր քաղաքացուն»,– նշում է Խոսքի ազատության պաշտպանության կոմիտեի նախագահը։
Ըստ նրա` թեև լրատվամիջոցները լինելու են այն օղակը, որը պետռեգիստրի տվյալները հրապարակելու է` հասու դարձնելով հանրության համար, բայցևայնպես քաղաքացին պետք է ուղիղ ստանա պետռեգիստրի տվյալները, այլ ոչ թե ԶԼՄ–ների միջոցով։
Մելիքյանը կողմ չէ այն տեսակետին, որ պետռեգիստրի համակարգից տեղեկությունները վերցնելիս համակարգը կարող է պայթել, դա չափազանցված մոտեցում է, ու եթե դա հնարավոր է անել ԶԼՄ–ների համար, ուրեմն կարելի է անել նաև շարքային քաղաքացիների համար։
Գերածախս չի լինի. Պապիկյանն ասաց` ինչքան գումար է հավաքվել «Այո»–ի դրամահավաք-երեկոյին
Նշենք, որ պետռեգիստրի տվյալներին առնչվող նախագծերի փաթեթը երկրորդ ընթերցմամբ քննարկվելու համար ընդգրկվել է Ազգային ժողովի մարտի 3-ին գումարվելիք հերթական քառօրյայի օրակարգում։
ԱԺ գիտության, կրթության, սփյուռքի, մշակույթի և սպորտի հարցերի մշտական հանձնաժողովը դրական եզրակացություն է տվել օրենքների նախագծերի սույն փաթեթին։
Վարչապետ Փաշինյանն արձակուրդ կվերցնի հանրաքվեի քարոզարշավի օրերին. նախարար
